«Абыройы асқақ Астана!» облыстық форумы

Версия для печатиPDF versionEPUB version

Ағымдағы жылдың 4 шілде күні Талдықорған қаласындағы Достық үйінде, Алматы облыстық Қазақстан халқы Ассамблеясы, «Достық үйі – Қоғамдық келісім орталығы» және облыстық «Күміс тамыр» қытай этномәдени орталығының ұйымдастыруымен Астананың 20 жылдығына арналған  «Абыройы асқақ Астана!» облыстық форумы өтті.

Шараның мақсаты: жастарды Астана тарихын білуге және құрметтеуге шақыру, патриоттық рухта тәрбиелеу, олардың бойында азаматтық белсенділікті қалыптастыру.

Форумға Алматы облыстық Қазақстан халқы Ассамблеясы хатшылығы, «Достық үйі – Қоғамдық келісім орталығының» қызметкерлері, қоғамдық келісім, аналар кеңестері, этномәдени бірлестіктер төрағалары мен белсенділері, әскерилер және БАҚ өкілдері қатысты.

Форум аясында С. Сейфуллин атындағы Алматы облыстық әмбебап кітапхананың қатысуымен «Ел мақтанышы – Астана» тақырыбында кітап және сурет көрмесі ұйымдастырылды. Сондай-ақ концерттік бағдарлама және белсенділерді марапаттау рәсімі өтті.

Форумда құттықтау сөз сөйлегендер Ғ. Тұрсынбай, Алматы облыстық Қазақстан халқы Ассамблеясы төрағасының орынбасары, хатшылық меңгерушісі, О. Жақиянов, облыстық Қоғамдық келісім кеңесінің төрағасы, Джан Эдуард Алматыдағы қытай мәдени орталығы ҚБ президенті,  Ян Дэ-Си, Қарағанды облыстық «Дружба» Қытай ұлттық-мәдени орталығы ҚБ төрағасы, Б. Другов, облыстық «Күміс тамыр» қытай этномәдени орталығының белсендісі, «Жаңғыру жолы» жастар қозғалысы облыстық штабының мүшесі, Л. Мазова, облыстық «Күміс тамыр» қытай этномәдени орталығының төрайымы.

 

 

 

 

 

 

Жаңа пікірді жазу

Plain text

  • No HTML tags allowed.
  • Веб-парақтар және e-mail мекенжайларын автоматты түрде сілтемеге аударады.
  • Жол және абзац үзілімдері автоматты түрде қойылады.