Гүлшара Әбдіқалықова: Қоғамдық сананы жаңғыртудағы Ассамблея рөлі жоғары

Версия для печатиPDF versionEPUB version

Бүгін Астана қаласындағы Ұлттық академиялық кітапхананың Конституция залында Қазақстан халқы Ассамблеясының кеңейтілген отырысы өтті. ҚХА төрағасының бірінші орынбасары – Хатшылық меңгерушісі Л.Прокопенко жүргізген отырысқа ҚР Парламенті Мәжілісінің депутаттары, орталық және жергілікті атқарушы органдардың басшылары, ҚХА кеңесінің мүшелері, қоғам қайраткерлері, ғылыми және шығармашылық зиялық қауым өкілдері қатысты.

 

Алғашқылардың бірі болып сөз алған ҚР Мемлекеттік хатшысы Гүлшара Әбдіқалықова қоғамдық сананы жаңғыртудағы Ассамблея рөлін жоғары бағалады.

 

«Өткен жылы Ассамблея қоғамдық сананы жаңғырту жобасы бойынша 20 республикалық, 395 өңірлік іс-шара өткізілді. Қазақстан халқы Ассамблеясы желісі бойынша БАҚ-та 12 мыңнан астам өңірлік және шамамен 8 мың республикалық материал жарық көрді», - деді Гүлшара Әбдіқалықова.

 

Мемлекеттік хатшының айтуынша, «Қазақстанның 100 жаңа есімі» жобасын жүзеге асыруға да Ассамблеяның белсенді қатысқан. 102 жеңімпаздың 25-ін Ассамблея ұсынғанын жеткізді.

 

«Рухани жаңғыру» жобасына өңірлер қатысының жақсы мысалдары да бар. Мәселен, Алматы облыстық ҚХА І.Жансүгіров атындағы Жетісу мемлекеттік университетімен бірге «Рухы бекем,  киелі мекен – Жетісу» атты ғылыми-танымдық экспедиция ұйымдастырды. Нәтижесінде қасиетті жерлерге   өлкентану бағдары құрылды. Жетісу географиялық қоғамы туристік бағдарлар бойынша скретч-карта әзірленіп, 255 навигациялық бағыттама орнатылды. Бұл ҚХА-ның «Киелі Қазақстан» жобасына қосқан шынайы үлесі», - деді ол.

Тағы бір айта кетерлігі, іс-шара барысында ассамблея қызметінің өңірлердегі тәжірибесі, ҚР Парламенті Мәжілісінің ҚХА депуттаттық тобының және «Әзербайжан қауымдастығы» республикалық қоғамдық бірлестігінің жұмысы,  басқа да ұйымдастыру мәселелері қаралды.

 

 

Дата события Ассамблеи: 
Жұма, 27 Cәуір, 2018

Жаңа пікірді жазу

Plain text

  • No HTML tags allowed.
  • Веб-парақтар және e-mail мекенжайларын автоматты түрде сілтемеге аударады.
  • Жол және абзац үзілімдері автоматты түрде қойылады.