Қостанай облыстық Аналар кеңесі Отбасылық мерекелік дастарқан ұйымдастырды

 Қостанай облыстық Аналар кеңесі «Отбасылық мерекелік дастарқан» акциясын өткізді

 Аналар кеңесі қызметінің негізгі бағыттарының бірі – қиын өмірлік жағдайға душар болған жанұяларға және көпбалалы отбасыларға  қолдау көрсету.

«Біз көпбалалы отбасын дәстүрлі отбасының эталондық моделі ретінде қарастырамыз. Мұндай жанұяда өскен балалар бауырмал, бір-біріне қамқоршыл, еңбекқор келеді. Ата-аналардан да зор жауапкершілік талап етіледі, себебі олар отбасының ұйтқысын сақтауы тиіс, ал оларды қоршаған жандар өзара жағымды қарым-қатынас құрудың үлгісін көретін болады. Сондықтан, біз көпбалалы отбасы балаларына мереке ұйымдастыруды жөн көрдік», - дейді Аналар кеңесінің төрайымы  Шушаник Саркисян.

88ba0145-bfde-4756-a488-6729d32a2bea.jpg

Аналар Кеңесінің бастамасын қаладағы  мейрамхана, дәмхана өкілдері қолдады, олар халықаралық балаларды қорғау күніне орай көпбалалы жанұяларға қол ұшын созуға келісті.

Мереке қарсаңында мейрамханалар мен дәмханалар көпбалалы жанұяларға азық-түлік жиынтықтарын жеткізуді ұйғарды.

Қостанай қаласындағы 26 көпбалалы отбасы картоп, ұн, күнбағыс майы, жеміс-жидек және тәтті өнімдермен қамтамасыз етілді.

1 маусым күні  мейрамханалар мен дәмханаларда 65-тен астам адам - 11 жанұяның балалары мен бейімдеу орталығының 10 тәрбиеленушісі үшін түскі ас әзірленді.

Кейбір мекеме ұжымдары балалар үшін ойын бағдарламаларын даярлады.

Back to the list