Астананың әжелері ұлттық тағам дайындап, ертегі айтудан сайысқа түсті

Версия для печати

«Таң» татар-башқұрт мәдени орталығы Достық үйінде Астана қаласы әкімдігі жанындағы «Қоғамдық келісім» КММ бірлесіп әжелер арасында «Абиляр, алға!» атты сайысты ұйымдастырып өткізді. Онда Астананың ең белсенді, шығармашыл зейнеткерлері бақтарын сынады.

Байқауға барлығы сегіз әже қатысты. Сынға қатысушыларға алты тапсырманы орындау талабы қойылды: өзін-өзі таныстыру барысында шығармашылық таныту, жүргізушілердің сұрақтарына жауап беру, ұлттық тағам дайындау, музыкалық нөмірін орындау, мүмкіндігінше ойынан шығарылған ертегіні міндетті түрде татар тілінде айтып беру, сондай-ақ, бұл сайысқа немересін қатыстыруға рұқсат берілді.

«Біз әжелердің татар отбасының негізін сақтаушысы ретіндегі рөлін көрсеткіміз келді. Халықаралық әйелдер мерекесі күндері апаларымыздың көңілін көтеріп, шығармашылық қабілеттерінен үлгі алуды жөн көрдік. Олар талай немере өсіріп ,тәрбие берген ардақты аналар емес пе?!», - деп атап өтті «Дуслык» фольклорлық ансамблінің жетекшісі Гүлназира Сәдуақасова.

Нәтижесінде, қазылар алқасының шешімі бойынша достық жеңді. Шығармашылық қабілеттері үшін барлық қатысушылар естелік сыйлықтармен марапатталды. Ал көңілді және жарқын музыкалық нөмірлерімен өнер көрсеткен «Ялкын» жастар ансамблі, Дамир Утекеев және Рождественка ауылының шығармашылық ұжымы көрермендерге сайыс арасындағы үзілістерде көтеріңкі көңіл-күй сыйлап, сахна көркін аша түсті.

Ассамблеяның оқиға күні: 
Сәрсенбі, 13 Наурыз, 2019

Жаңа пікірді жазу

Plain text

  • No HTML tags allowed.
  • Веб-парақтар және e-mail мекенжайларын автоматты түрде сілтемеге аударады.
  • Жол және абзац үзілімдері автоматты түрде қойылады.