Елбасының «Болашаққа бағдар: рухани жаңғыру» бағдарламалық мақаласы аясындағы Еңбекшіқазақ ауданындағы қоғамдық келісім кеңестерінің қызметіне арналған «Ауылым – алтын қазынам» аудандық форумыны

Версия для печати

Ағымдағы жылдың 24 қараша күні Еңбекшіқазақ аудандық ішкі саясат бөлімінің қолдауымен, «Елім-ай» қоғамдық қорының ұйытқы болуымен аудан орталығы Есік қаласында «Ауылым – алтын қазынам» тақырыбында форум өтті. Оған Еңбекшіқазақ ауданының әкімі Бинәлі Ысқақ, Алматы облыстық Қазақстан халқы Ассамблеясы төрағасының орынбасары, хатшылық меңгерушісі Ғабит Тұрсынбай, Алматы облыстық ҚХА жанындағы қоғамдық Келісім кеңесінің төрағасы Оралбек Жақиянов қатысты. Форумға Еңбекшіқазақ аудандық қоғамдық келісім кеңесінің төрағасы Әділбай Талқамбаев төрағалық етті.

Аудан бойынша 25 ауылдық округ және Есік қаласының әзірлеген қоғамдық келісім кеңесінің жергілікті жерлердегі жұмысы көрме ретінде қойылды. Аудан әкімі Бинәлі Әбдіқапасұлы құттықтау сөзін айтып, форум жұмысына сәттілік тіледі. Кейіннен Ғабит Тұрсынбай, «Елім-ай» қоғамдық қорының төрағасы Жаңаберген Мұхамедұлы, аудандық аналар кеңесінің төрайымы Гүлнәр Жошыбаева, аудандық қоғамдық келісім кеңесінің мүшесі Оксана Бондаренко және Оралбек Жақиянов қоғамдық келісім кеңесінің жұмыстарын жандандыру, ұлтаралық татулықты насихаттау жұмыстарын күшейту аясында ойларымен бөлісті.

Форум қорытындысында, бір жылдық жұмысымен үздік танылған қоғамдық келісім кеңестері марапатталды. Нәтижесінде үшінші орынды Бәйтерек ауылдық округі қоғамдық келісім кеңесі, екінші орынды Рахат ауылдық округі қоғамдық келісім кеңесі, бірінші орынды Ават ауылдық округінің қоғамдық келісім кеңесі иеленді. Жүлдегерлерге естелік картиналар ұсынылды. Ал үздік деп танылып, бас жүлдені қанжығалаған – Есік қаласы қоғамдық келісім кеңесіне арнайы диплом мен түрлі-түсті теледидар табысталды.

Жаңа пікірді жазу

Plain text

  • No HTML tags allowed.
  • Веб-парақтар және e-mail мекенжайларын автоматты түрде сілтемеге аударады.
  • Жол және абзац үзілімдері автоматты түрде қойылады.