Елордалық ҚХА жастар қанатының өкілдері «Туған жер» бағдарламасын жүзеге асыруға қатысты талқылау өткізді

Версия для печати

2017 жылғы 17 мамырда Астана қ. Қазақстан халқы Ассамблеясының жастар қанаты өздерінің кездесуін өткізіп, онда Мемлекет Басшысының «Болашаққа бағдар: рухани жаңғыру» мақаласын талқылады және «Туған жер» бағдарламасын жүзеге асыруға қатысты ұсынымдарын берді.

Кездесуге  «Нұр Отан» партиясының «Жас Отан» жастар қанатының, «Астана қаласының Жастар саясаты мәселелері басқармасының» және БАҚ өкілдері қатысты.

Іс-шара барысында тараптар ұлттың рухани өрлеуіне жетектейтін «Туған жер» бағдарламасын жүзеге асыру бойынша нақты ұсынымдарын берді.

Атап айтсақ, қатысушылар экология саласының өлкетану жұмыстарының шеңберінде, Астана қаласын көгалдандыру мақсатында «ҚХА Жастар аллеясын» жасауды, жастарды жалпыұлттық патриотизмге тәрбиелеу мақсатында Астана қаласының Жастар саясаты мәселелері басқармасымен бірігіп, «ҚХА патриоттық лагері» Жастар форумын өткізуді ұсынды. Сонымен қатар, өздерінің кіші отаны – Астанаға қолдау көрсетуге ниетті жастардың қатарынан Астана қаласының «Жастар мәслихатында» ҚХА жастарының депутаттық тобын құру жөнінде ұсыныстар берді.

Астана қаласының Жастар саясаты мәселелері басқармасының өкілі Жүнісбеков Б.Ә. өз кезегінде, Астана қаласы Қазақстан халқы Ассамблеясы этномәдени бірлестіктерінің жас өкілдерін 2018 жылға арналған қалалық ауқымды іс-шаралар жоспарын жасауға атсалысуға және өтетін іс-шаралар мен жобаларға белсене қатысуға шақырды.

Жаңа пікірді жазу

Plain text

  • No HTML tags allowed.
  • Веб-парақтар және e-mail мекенжайларын автоматты түрде сілтемеге аударады.
  • Жол және абзац үзілімдері автоматты түрде қойылады.