«Қазақ тіліндегі 100 жаңа оқулық» атты жобасын талқылау

Версия для печати

19 сәуір күні Алматы қаласы Достық үйінде «Қазақ тіліндегі 100 жаңа оқулық» атты жобасын талқылау бойынша Қазақстан халқы ассамблеясының бірыңғай күні өтті.

Іс-шараға ҚХА Төрағасының орынбасары Хамедов Абилфас Муслимович, Қазақстан күрдтерінің «Барбанг» республикалық ассоциациясының төрағасы Мирзоев Князь Ибрагимович, Абылай хан атындағы Қазақ халықаралық қатынастар және әлем тілдері университетінің ғылыми жұмысы бойынша проректоры, философиялық ғылымдар докторы Бөлекбаев Сағади Байұзақұлы, әл-Фараби атындағы Қазақ ұлттық университетінің Философия және саясаттану факультетінің Философия кафедрасының меңгерушісі, философиялық ғылымдар докторы Нұрышева Гүлжиһан Жұмабайқызы, этномәдени бірлестіктердің жетекшілері мен активі, ҚХА құрылымдарының, жастардың, БАҚ өкілдері қатысты.

Іс-шараның модераторы Абилфас Хамедов болды. Абилфас Муслимович келгендердің барлығыны қатысуы үшін алғысын бірдірді, «Қазақ тіліндегі 100 жаңа оқулық» жобасы туралы және оны жүзеге асыру туралы айтып берді. Оның айтуынша, түпнұсқалық тілден қазақ тіліне аудару баспаның басты мәнін, идеясын жеткізеді.

Келесі сөз Мирзоев Князь Ибрагимовичке берілді. Өз сөзінде Мирзоев Князь Ибрагимович мемлекеттік тілді үйренудің халыққа және, әсіресе жастарға маңыздылығын атап айтты, мемлекеттік тілді білудің беретін мүмкіндіктері туралы және жаңа жобаның осы мүмкіндіктерді нығайта отырып, шет елдердің тәжірибесі мен білімімен қамтамасыз ететіндігі туралы айтып берді.

Келесі кезекте  Нұрышева Гүлжиһан Жұмабайқызы «Қазақ тіліндегі 100 жаңа оқулық» атты жобасының қазіргі заманауи білімде қолданылуы туралы және бұл жоба Қазақстан азаматтарына қандай мүмкіндік беретіндігі туралы толық айтып берді.

Соңғы баяндамашы Бөлекбаев Сағади Байұзақұлы өз сөзінде ол жобаның білім беруді дамытуға, шетел әдебиетінің қолжетімділігін арттыруға қосқан зор үлесін атап өтті.

 

Іс-шараның соныңда еркін талқылау басталып, қатысушылар ой-пікірлерімен алмасты. Аяғында келегендердің барлығы «Қазақ тіліндегі 100 жаңа оқулық» атты жобасының маңыздылығы, өзектілігі және қажеттілігімен келісті.

Жаңа пікірді жазу

Plain text

  • No HTML tags allowed.
  • Веб-парақтар және e-mail мекенжайларын автоматты түрде сілтемеге аударады.
  • Жол және абзац үзілімдері автоматты түрде қойылады.