Маңғыстау облысының Қазақстан халқы Ассамблеясы салауатты өмір салтын насихаттау мақсатында «Күшіміз Бірлікте» кубогы үшін шағын футболдан турнир ұйымдастырды.

Іс-шара «LLf Arena» футбол алаңында өтті. Турнирге «Қоғамдық келісім» КММ қызметкерлері, этномәдени бірлестіктердің өкілдері, Ассамблея жастары, Ақтау қалалық әкімдігінің, «Қазақтелеком» АҚ және «Қазаэронавигация» РМК қызметкерлері қатысты.

Іс-шараның мақсаты дене шынықтыру және спорт саласындағы қызметті дамыту және насихаттау, салауатты өмір салтын қалыптастыру, сондай-ақ жарысқа қатысқан ұйымдар арасында командалық рухты қолдау және дамыту болып табылады.

Футбол қорытындысы бойынша І орынды Ақтау қаласының әкімдігі, ІІ орынды «Қазаэронавигация» РМК қызметкерлері, ІІІ орынды – МО ІСБ «Қоғамдық келісім» КММ иеленді. Бірінші орын үшін 100 000 теңге, екінші орын 75 000 теңге және үшінші орын 50 000 теңге жүлде берілді. Сонымен қатар төрешілер арнайы ақшалай сыйлықпен марапатталды.

«Мен бүгінгі футбол іс-шарасында «Қоғамдық келісім» командасын қолдауға қуаныштымын. Мұндай шараларды мүмкіндігінше жиі өткізу керек. Бұл салауатты өмір салтын ғана емес, әріптестер арасында командалық рухты дамытуға ықпал етеді. Барлық командалар жақсы ойын көрсетіп, ойынды бір деммен тамашаладық. Келесі жарыстарға міндетті түрде қатысамын деп ойлаймын» - деп атап өтті «Salem-Namaste» үнді ЭМБ төрағасының орынбасары Хитеш Вадодария.

Кейін қарай