Биыл ҚР Тәуелсіздігіне 30 жыл толуына орай, Маңғыстау облыстық Қазақстан халқы Ассамблеясы «30 игі іс» атты қайырымдылық шарасын ұйымдастыруды ұйғарды.

Осыған байланысты Ақтау қаласының Достық үйінде әр айдың соңғы жұмасында аз қамтылған, көп балалы жанұяларға, мүгедектерге, қарттар үйіндегі ардагерлерге, зейнеткерлерге арналған қайырымды жандардың ат салысуымен «Қуанышты күн» акциясы өтіп келеді.

Акция аясында шаштаразшы, массажист пен визажист балалар мен аналардың көңілінен шықты. Сондай-ақ, кейбір жандар Маңғыстау облысының кәмелекетке толмағандардың істері жөніндегі мамандандырылған ауданаралық сотының психологы Дариға Назарованың консультациясын алды.
Шара соңында Маңғыстау облыстық Бекет ата мешітінің бас имамының қолдауымен қонақтарға арналған дастархан жайылды. Сонымен қатар балаларға ертегі кітаптары сыйға тартылды.

Ата-аналар осылайша қолдау көрсетіп, қуанышты күн сыйлаған барша мейірімді жандарға алғыстарын білдіріп, көтеріңкі көңіл күйде тарқасты.

Кейін қарай