Ашылу салтанатында қызыл лента қию құрметі Қарағанды облыстық ҚХА төрағасының орынбасары Молотов-Лучанский Вилен Борисович пен ҚХА облыстық Аналар кеңесінің құрметті мүшесі Төлеуханова Күліш Төлеуханқызына тиді. Сондай-ақ салтанатты шараға ҚХА Қоғамдық келісім кеңесінің төрағасы Алтынбеков Б.Қ., облыс әкімі аппаратының этносаралық қатынастар саласындағы қоғамдық келісім сұрақтары бойынша бас инспекторы Рымбекова Г.С, Қарағанды облысы ішкі саясат басқармасының «Қоғамдық келісім» КММ директоры Исбекова А.Ә., ҚХА облыстық Аналар кеңесінің төрайымы Қожахметова Л.Т., ҚХА облыстық Аналар кеңесінің құрметті мүшелері Исина В., Башай М., Нұр-Сұлтан қаласының іргетасын қалауға қатысқан қаламыздың құрметті құрылысшылары Корж В.А. және Госман В.А. қатысты.

Қазақтың ұлттық өнерін дәріптеп жүрген Аналар кеңесінің мүшесі Жанар Сержанқызы алдағы уақытта шеберлер клубына жетекшілік етіп, көрген-білгенін қыз-келіншектер мен көпбалалы аналарға үйретпек. Айта кетерлігі, бұл бастаманың басты мақсаты — шеберханада жас аналар мен қыздарға шеберлік сағаттарын өткізу арқылы олардың бойында өнерге, еңбекке, ұлттық құндылықтарға деген қызығушылығы мен сүйіспеншілігін ояту.

Шақырылған қонақтар да шеберлер клубының ашылуымен құттықтап, оның ұлттық мәдени мұра және шеберлер өнерін көпшілікке таратуға ықпал ететініне сенетіндерін жеткізді.

Кейін қарай