22 Мамыр, 2019
4157
Қарағандыда жастар «Күлтегін» жырынан сайысқа түсті
Қарағандының Достық үйінде Қазақстан халқы Ассамблеясының «Қазақтану» мәдени-ағартушылық жобасы аясында «Түркі әлемі: Күлтегін жыры – Ұлы дала дастаны» атты ғылыми-шығармашылық конкурс – конференция өтті.
Үш кезең бойынша өткен ауқымды шара жыршы Әлібек Бимендиннің орындауындағы Қадыр Мырза Әлінің аударған «Күлтегін» жырымен ашылды.
Ұйымдастырушылардың ақпаратына сәйкес, «Күлтегін» жырының басты идеясы – түркі халқын ауызбірлікке, ежелгі ата-баба жолы мен салт-дәстүрін берік ұстауға үндеу болып табылады.
Шараның маңыздылығын түсіндірген белгілі ақын, филолог, модератор Айтбай Жұмағұл Нұр-Сұлтан қаласынан келген тарих ғылымдарының докторы, профессор, Күлтегін атындағы сыйлықтың лауреаты Сатай Сыздықовқа сөз кезегін ұсынды.
Өз кезегінде Сатай Мақсұтұлы «Мәңгілік елдің мұрагері» атты баяндамасында ежелгі дәуір әдебиеті, көне түркі жазба ескерткіштерін оқыту арқылы өз мәдениетіміз бен дүниетанымымыздың тамыры тереңде екенін, елдік дәстүріміз бен рухани бітіміміздің бастауы берік екенін тілге тиек етті.
Таста қалған тарихы бар мыңжылдық жәдігер жайлы Стамбулдың Мимар Синан оқу орнының докторанты Жантегін Қаржаубай өз сөзінде «Күлтегін – түркі халықтарының ерлік туралы ұғымының жиынтық бейнесі. Оның тұлғасында түркілерге тән ержүрек, өршіл, қайсар, қайтпас мінез бар. «Сондай батырым болса» деген ел арманы Күлтегін ерліктерін сипаттау арқылы берілген. «Күлтегін» қазақ батырлар жырына жақын үлгілердің бірі»,- деді.
Ал, филолог, ҚарМУ оқытушысы Жандос Смағұлов қазақ халқының дәстүрлеріне қатысты мысал келтіре отырып, ұлттық рухани мұра хақында тағылымды баяндама жасады.
Бұдан соң, жас ғалымдар дайындаған еңбектерін қазылар алдында қорғады.
Шара өзге ұлт өкілдерінің қазақ тілінде Күлтегін жырларын мәнерлеп оқуымен, ұлттық және басқа да музыкалық аспап түрлерінде сүйемелдеумен жалғасты.
53 шумақтан тұратын Күлтегін жырының әр бөлімін оқыған қатысушылардың дайындығы жоғары деңгейде өтті.
Қазылардың қорытындысы бойынша, Нұрай Ғазиз, Елизавета Седышева, Әлібек Бимендин үздік деп танылып, дипломдар мен ақшалай сертификаттар табыс етілді.
Ұқсас жаңалықтар
-
«Ассамблея жастары» белсенділері «Қоғамдық келісім» КММ қызметкерлеріне ұлттық ойындарды үйретті
-
Ассамблея жастары ұлттық ойындардан сайысқа түсті
-
Атырауда «Сәлем, Көктем» атты қайырымдылық концерті өтті
-
Алматыда Бердібек Соқпақбаевтың 100 жылдық мерейтойына арналған «Балалар әдебиетінің бәйтерегі» атты әдеби кездесу өтті
-
Семейде «Тұңғыш Президент Жолымен» халық экспедициясының» шеңберінде шаралар өтті
-
Қарағандыда Еркіктілер жылы салтанатты түрде бастау алды
19 Наурыз, 22:06
Қарағандыда ҚХА Аналар кеңесінің төрағасы Назипа Ыдырысқызының қатысуымен бірқатар іс-шаралар өтті
19 Наурыз, 21:12
ҚР Ұлттық музейінде «Наурыз - ел ұлықтаған ұлы күн» атты кешенді іс-шара өтті
19 Наурыз, 11:01
Ассамблея жастары ұлттық ойындардан сайысқа түсті
19 Наурыз, 11:43
Наурыз мейрамы қарсаңындағы маңызды кездесулер
20 Наурыз, 17:30
Қазақстан халқы Ассамблеясы Төрағасының орынбасары Марат Әзілханов елордалық Достық үйінде өткен «Қош келдің, әз Наурыз!» мерекелік шарасына қатысты
Ұқсас жаңалықтар
-
«Ассамблея жастары» белсенділері «Қоғамдық келісім» КММ қызметкерлеріне ұлттық ойындарды үйретті
-
Ассамблея жастары ұлттық ойындардан сайысқа түсті
-
Атырауда «Сәлем, Көктем» атты қайырымдылық концерті өтті
-
Алматыда Бердібек Соқпақбаевтың 100 жылдық мерейтойына арналған «Балалар әдебиетінің бәйтерегі» атты әдеби кездесу өтті
-
Семейде «Тұңғыш Президент Жолымен» халық экспедициясының» шеңберінде шаралар өтті
-
Қарағандыда Еркіктілер жылы салтанатты түрде бастау алды