Қазақстан халқының бірлігі күні қарсаңында «Нұр Отан» партиясы Ақмола облыстық филиалы мен Қазақстан халқы Ақмола ассамблеясы бірлесе отырып демократиялық күштер коалициясының отырысын өткізді. Іс-шара ҚР Президенті, «Нұр Отан» партиясының Төрағасы Н.Ә.Назарбаев жария еткен «Әлем. ХХІ ғасыр» Манифесіне арналған болатын.

Басқосуға  Демократиялық күштер коалициясының  мүшелері, «Нұр Отан» партиясы аумақтық филиалы төрағаларының бірінші орынбасарлары, қалалық және аудандық этномәдени бірлестіктірінің жетекшілері –Қазақстан халқы Ассамблеясының мүшелері, үкіметтік емес ұйымдар, жастар бірлестіктерінің өкілдері қатысты.

Өз сөзінде  партияның өңірлік филиалы төрағасының бірінші орынбасары Ғалым Бекмағамбетов «Әлем. XXI ғасыр» Манифесі БҰҰ Бас Ассамблеясы мен Қауіпсіздік кеңесінің ресми құжат мәртебесіне ие болғанын ерекше атап өтті. 

Қазақстан Республикасы Президенті жариялаған Манифесіне «Нұр Отан» партиясы Жақсы аудандық филиалы төрағасының бірінші орынбасары Кәмиля Мұғалова, Ауған соғысы ардагерлері мен мүгедектерінің облыстық одағының төрағасы Дуанбай Ыбырай, Қазақстан халқы Ақмола Ассамблеясы хатшылығы жетекшісінің м.а. Наталья Долгова, Чернобыль апатының зардабын жоюға қатысқан Рамазан Исмағұлов, Астрахан аудандық «Полония» ұлттық-мәдени бірлестігінің төрайымы Руслана Снегурская, «Көкшетау студенттерінің Альянсы» Корпоративтік қорының төрағасы Абылай Исин де қолдау білдірді.

Сонымен қатар, атамыш жиын барысында партиялық ұйымның өңірлік филиалы мен ішкі саясат басқармасының атынан арнайы алғыс хаттарымен облыстағы бірқатар этномәдени бірлестіктерінің өкілдері марапатталып, Қазақстан халқы Ақмола ассамблеясы атынан «Ақмола достық пен бірлік бесігі» атты кітап сыйға тартылды.  

Кейін қарай