Үстіміздегі жылдың қыркүйек айында облыстық Қазақстан халқы ассамблеясы төрағасының орынбасары Латиф Айдаровтың Жамбыл облысы әкімдігі ішкі саясат басқармасының «Қоғамдық келісім» КММ қызметкерлерімен жұмыс кездесуі өтті.

Кездесу барысында Жамбыл облысы ҚХА жастарын кәсіпкерлік қызметке тарту мәселелері талқыланды және жуық арада осыған орай, жұмыс жоспары белгіленетіндігі сөз болды.

Аталмыш жиынның нәтижесінде кездесу «Бизнестің жол картасы-2025» жобасы аясында өз кәсібін ашқысы келетін облыстық ассамблея жастары және «Жаңғыру жолы» жастар қозғалысының өкілдерімен жалғасты. Жиында облыстық Қазақстан халқы ассамблеясы төрағасының орынбасары Латиф Айдаров облысымыздың болашақ жас кәсіпкерлеріне бизнестің қыр-сырлары туралы керекті мағлұматтар берді.

Жастар бизнесті бастау, туындайтын қиыншылдықтарға төтеп беру, маркетинг, мемлекеттік грант ұтып алу, бизнес жобаны жасау, әрі қорғап шығу деген сауалдарына құнды жауаптар алды.

Жамбыл облысы әкімдігінің

ІСБ «Қоғамдық келісім» КММ

Баспасөз қызметі орталығы

Кейін қарай