Мәскеуден шыққан халықаралық автоэкспедиция мүшелері Атырауға келді

9 шілде күні  Мәскеу қаласында «Зов предков – 2019» халықаралық автожарыс бастау алды.

Жол талғамайтын 10 автокөлік 9 шілде – 14 қыркүйек аралығында  Солтүстік және Оңтүстік Кореяны қоса алғанда, жеті елдің аумағы бойынша яғни, Москва – Ташкент – Нұрсұлтан – Улан-Батор – Пхеньян – Пекин – Сеул–Москва қалаларымен 30 мың шақырым қашықтықты жүріп өтеді. Экспедиция еуразиялық кеңістік мемлекеттері арасындағы достық қатынастарды дамытуға, экономикалық, мәдени, гуманитарлық ынтымақтастықты кеңейтуге арналған.

автопробег.jpg

Экспедицияға қатысушылар арасында ресейлік және корей қоғамдық ұйымдарының басшылары, саяхатшылар, блогерлер, журналистер мен фотографтар бар.

Бұл жобаның топ басшысы Мәскеу облысының ұлттық-мәдени автономиясының төрағасы Эрнест Ким, ал координаторы «Тхоньиль» корей этномәдени бірлестігінің жетекшісі  Людмила Ли болып табылады.

14 шілде күні «Зов предков – 2019» халықаралық автожарыс маршруты Атырау қаласына келіп жетті. Достық үйінде экспедиция қатысушыларымен кездесу өтті.

DSC_9729.JPG

Оның барысында сөз алған Атырау қаласы әкімінің орынбасары Ұлықбек Тіналиев осындай елдер арасындағы ынтымақтастықты нығайтуда бастау алған жобаның басшылары мен қатысушыларына Атырау тұрғындарының атынан ризашылығын білдіріп,  экспедиция мүшелеріне оң сапар тіледі.

Халықаралық автожарыстың қатысушысы Александр Шин бұл жобаның мақсаты Ресей Федерациясының көпұлтты халқының азаматтық бірлігін нығайту, сонымен қатар, Ресейдің Өзбекстанмен, Қазақстанмен, Монғолиямен, Қытаймен, КХДР, Корея Республикасымен халықаралық байланыстарын дамыту болып табылады деген ойын жеткізіп, Атырау облысы Қазақстан халқы ассамблеясына, Достық үйіне және Атырау қаласы әкімдігіне корей халқының салт-дәстүрлері, мәдениеті туралы жинақталған кітаптарды тарту етті.  

Жоба ұйымдастырушылары - «Ресей халықтарының Ассамблеясы» жалпыресейлік қоғамдық ұйымы, Мәскеу қаласы үкіметінің қолдауымен «Еуразия халықтарының Ассамблеясы» үкіметтік емес ұйымдардың халықаралық одағы.

Back to the list