2021 жылы 20 мамыр күні Алматыдағы Достық үйінде Қазақстан халқы Ассамблеясы Төрағасының орынбасары Марат Әзілхановтың республикалық этномәдени бірлестіктердің жетекшілерімен бірқатар кездесулері өтті.

Кездесулерге шешен-ингуш, түрік, армян, дүнген, түркімен, грек, еврей, румын-молдаван, беларусь, қарашай-балқар, венгр және карел-фин этномәдени бірлестіктерінің басшылары қатысты.

Кездесулер барысында ҚХА Төрағасының орынбасары этностық бірлестіктердің жұмысы қоғамдық келісім мен ұлттық бірлікті нығайтуда, этникалық топтарды азаматтық бірегейлік қағидаттары негізінде интеграциялауда және мемлекеттік тілді оқытуда - этносаралық қатынастың негізі деп атап өтті.

Өз кезегінде этномәдени бірлестіктердің басшылары өз ұйымдарының жұмыс жоспарларымен таныстырды, Ассамблеяның әлеуметтік және қайырымдылық жобаларын іске асыруды талқылады, ҚХА-ның ХХІХ сессиясында қабылданған шешімдердің орындалуы туралы әңгімеледі.

Кездесулер соңында қатысушылар Қазақстан халқы Ассамблеясы қызметінің ерекше шоғырландырушы ретіндегі маңыздылығын атап өтті.

Кейін қарай