Қазақстан халқы Ассамблеясы

08 Қыркүйек, 2021

277

Петропавлда ҚР Президентінің Қазақстан халқына Жолдауын талқылау бойынша дөңгелек үстел өтті

Солтүстік Қазақстан облысының Достық үйінде Қазақстан Республикасының Президенті Қ.К.Тоқаевтың «Халық бірлігі және жүйелі реформалар-елдің өркендеуінің берік негізі» атты Қазақстан халқына Жолдауын талқылау бойынша дөңгелек үстел өтті.

Іс-шараның модераторы, СҚО ҚХА хатшылығының меңгерушісі Ж.С. Жолмұханова құжатта елдің шоғырландырылған әлеуметтік-экономикалық дамуының маңызды векторлары көрсетілгенін атап өтті. Тіпті Жолдаудың атауы жүйелі реформалардың сабақтастығы мен жалғасу қағидатын растайды.

Диалогқа облыстың этномәдени бірлестіктерінің және СҚО ҚХА құрылымдық бөлімшелерінің басшылары қатысты.

Қазақстан Республикасы Президентінің жанындағы Мемлекеттік басқару академиясының СҚО бойынша филиалының директоры, СҚО ҚХА ғылыми-сараптама тобының мүшесі Лаура Советқызы Қайыржанова Жолдауда айтылған мемлекеттік қызметшілер жұмысының тиімділігін арттыру тақырыбына назар аударды.

Елбасының жолдауы аясында Тіл саясаты мәселелері туралы «Urpaq» қазақ мәдени-ағарту орталығы қоғамдық бірлестігінің төрайымы Гүлбахша Нұрмұқанқызы Мұсабаева өз ойларын ортаға салды

«Қазақстанның Орыс, славян және казак ұйымдарының қауымдастығы» заңды тұлғалар бірлестігінің Солтүстік Қазақстан облыстық филиалының басшысы Витченко Владимир Николаевич Қазақстанның экономикалық даму перспективалары туралы пікір білдірді.

Әрбір Жолдауда Президент тек экономикалық қана емес, әлеуметтік мәселелерді де жария етеді. Осыған байланысты облыстық Аналар кеңесінің төрайымы Смаилова Күлімқоз Қайырбайқызы отбасылық құндылықтар тақырыбындағы өз ойымен бөлісті.

Ж.Жолмұханова дөңгелек үстел жұмысының соңында айтылған ойлары үшін алғысын білдірді.

Кейін қарай