Қазақстан халқы Ассамблеясы

30 Қаңтар, 2020

1211

Ресей мен Қазақстанның іздеу отрядтары Петропавлда бас қосты

27 қаңтар фашистік қоршаудан Ленинградты толық азат ету күні болып табылады. Жыл сайын Петропавлдағы Достық үйінде осы ұлы күнге арналған іс-шаралар өткізіліп келеді.


Осылай, Ұлы Отан соғысындағы Жеңістің 75 жылдығы және Ленинград қоршауының алынуының кезекті жылдығы құрметіне Ресей Федерациясының Ленинград облысының делегациясы Петропавл қаласына келді. Жоғары меймандар үшін 314 атқыштар дивизиясы жауынгерлерінің ескерткішіне гүл шоқтарын қою салтанатты рәсімі, №2 орта мектепте Жауынгерлік Даңқ мұражайына бару ұйымдастырылды.

Достық үйінде Ленинград блокадасын алып тастаудың 76-жылдығына және Жеңістің 75-жылдығына арналған «Бауырлас халықтардың ерлігі. Еске алу жылнамасы» атты халықаралық дөңгелек үстел ұйымдастырылды. Модератор ретінде «Орыс, славян және казак ұйымдарының қауымдастығының» төрағасы Владимир Витченко сөз сөйледі.

Солтүстік Қазақстан облыстық Қазақстан халқы Ассамблеясы хатшылығының меңгерушісі Мұратбек Зейнуллин Ресейден келген қонақтарға Ұлы Отан соғысы жылдарындағы ата-бабаларымыздың ұлы ерліктері туралы естелікке қосқан үлесі үшін алғысын білдірді.

«Ерлік – ұлы іс. Бұл – біздің жадымыз. Біздің тарихи миссиямыз - балаларымыз білулері және есте сақтау үшін Ұлы Отан соғысы жылдарында жасалған ерліктер туралы айту», – деді спикер.


«Орал-Еуразия» сарапшылар клубы директорының орынбасары Рустам Ганиев Ресей Федерациясында жүзеге асырылып жатқан және Ұлы Отан соғысы туралы мәңгі есте сақтауға бағытталған жобалар туралы айтып берді. Ол іздестіру отрядтарының өкілдері Ленинград облысында белгісіз сарбазды іздеу бойынша шын мәнінде ерлік жұмыс жүргізетінін атап өтті.

Дөңгелек үстел жұмысы барысында Ресейден келген іздеу отрядтарының өкілдері Виктор Нефедов және Светлана Иванова 1941-1943 жылдары Ленинград облысының Лодейное поле және Подорожье қалалары ауданында 314 дивизия шайқасы орындарындағы іздестіру жұмысы туралы, сондай-ақ Ленинградтың батырлық қорғанысы үлгісінде өскелең ұрпақпен патриоттық жұмысы туралы айтып берді.


Кейін қарай