Қазақстандағы және әлемдегі алғашқы этникалық, Корей түбегінен тыс жалғыз мемлекеттік корей театрының құрылып, сахна төрінде ұлттық классика мен түрлі қойылымдарды көрермендерге ұсынып жүргеніне биыл
90 жыл толып отыр.

Осы айтулы датаға орай көрерменнің назарына Республикалық мемлекеттік академиялық корей музыкалық комедия театрында «Нам 90» атты мерейтойлық спектакл-концерті ұйымдастырылды. Қойылымда басты кейіпкер флейташы театрдың өмірі, ұзақ және қиын жолы туралы баяндайды. Театрдың қызметі Қазақстан корейлерінің тарихымен тығыз байланысты. Барлық ұмтылыстар, қуаныштар, жеңістер және әртістер мен театр қызметкерлерінің, Корей театрының тарихын жасағандардың қажымас еңбегінің көрінісі болды.

Іс-шараға ҚР Мәдениет және спорт министрлігінің, Алматы қаласы әкімдігінің, Қазақстан халқы Ассамблеясының, Алматы қаласындағы Корей Республикасының Бас консулдығың өкілдері, қала тұрғындары мен қонақтары қатысты.

Сонымен қатар іс-шара барысында театр ұжымының өкілдері мәдениет саласын дамытуға қосқан үлестері үшін мемлекеттік және ведомстволық нагарадалармен марапатталды.

Айта кетсек, аталған театр 1932 жылы 9 қыркүйекте Владивостокта Корей клубтары мен театр үйірмелерінің негізінде Қиыр Шығыс корей театры ретінде құрылып, біздің мәдениетіміздің ажырамас бөлігіне айналды.

Бүгінгі таңда театрда ұлттық өнердің заманауи және дәстүрлі жанрлары белсенді дамып келеді, оларды «Самульнори» перкуссиялық аспаптар фольклорлық ансамблі, балет труппасы, вокалистер және театрдың драма труппасы шырайына келтіріп орындап келеді.

Корей театрының сахнасында әр жылдары Ли Ден Ним мен Ен Сен Неннің «Чун Хян деген қыз туралы аңыз» (1935-36), Тен Дон Хектің «Ондал туралы аңызы» (1972) бен Хан Диннің «Янбай туралы аңызы» (1973, 1985), сонымен қатар Н.Островскийдің «Найзағайы» (1950), Ғ.Мүсіреповтің «Қозы Көрпеш-Баян сұлуы» (1949, 1975), М.Әуезовтің «Еңлік-Кебегі» (1962), т.б. пьесалар қойылды.

Кейін қарай