Өскемен қаласының Достық үйінде Шығыс Қазақстан облысы Қазақстан халқы Ассамблеясының меценаттар клубының белсенді мүшесі, «ABT-GROUP» жылжымайтын мүлік агенттігінің директоры Михаил Лунев кәсіпті қызметкерлер штатынсыз бастау және табысты болу тақырыбында семинар өткізді.

Жас кәсіпкер семинар қонақтарына маркетингтік зерттеудің жаңа әдісі А/В тестілеу жайлы да түсіндіре кетті:

- Өз білімімен бөлісіп, жастарды бизнеске тарту - менің міндетім деп санаймын. Мен ісімді бастағанда, мұндай семинарлар мен тренингтер жеткіліксіз болды, ал қазір үйренемін деген адамға барлық мүмкіндіктер бар. Ең бастысы - табандылық пен еңбекқорлық, - деді спикер Михаил Лунев.

Қазіргі уақытта өз кәсібін бастаймын деген кез келген азамат мемлекеттің қолдауына иек арта алады. Сол сияқты Михаил Лунев секілді білікті мамандардың тәжірибесіне жүгінуіне мүмкіндік бар.

- Жасым әлі 17-де, бірақ менің мақсатым - қоғамға пайдалы болып, өз кәсібімді ашу. Бүгінгі семинар мен үшін өте пайдалы болды, үлкен мотивация алдым, - дейді Абай атындағы Шығыс Қазақстан гуманитарлық колледжінің студенті Анель Уатханова.

Кейін қарай