Ағымдағы жылдың 26 ақпанында күні Талдықорған қаласында «Достық үйі – Қоғамдық келісім орталығы» алаңында «Масленица!» мейрамы    өтті. Шараны Алматы облыстық Қазақстан халқы Ассамблеясы, «Достық үйі – Қоғамдық келісім орталығының» қолдауымен облыстық орыс орталығы ұйымдастырды.

Мерекенің салтанатты бөлімінде облыс әкімінің орынбасары Омар Жақсылық Мұқашұлы, Талдықорған қаласы әкімінің орынбасары Көлбаев Марлен Қапашұлы, облыстық орыс орталығының төрағасы Бузыкин Александар Александрович қала тұрғындары мен қонақтарын мерекемен құттықтап, тілектерін білдірді. Сонымен қатар мерекеге Алматы облыстық ҚХА хатшылығының меңгерушісі Ғ.Тұрсынбай, «Достық үйі – қоғамдық келісім орталығының» директоры Т.Қасымберкебаев қатысты.

Масленица - көптен күткен көктемді қарсы алу мерекесі.  Оның ажырамас бөлігі дөңгелек және қызғылт күнге ұқсас – құймақ -   жақсылық нышанын білдіреді.  Бұл күні үй шаруасындағы әйелдер бір-бірінің үйлеріне барып, құймақ пісіріп, мерекемен құтықтайды. Сондай-ақ, жұртшылық бір-бірінен кешірім сұрап татуласқан.

Қысты шығарып салып, көктемді қарсы алуға арналған айтулы мейрамды қала тұрғындары жыл сайын көтеріңкі көңіл-күймен атап өтеді.

Биыл да 5000-ға жуық қала тұрғындары мен қонақтарына құймақ ұсынылып, қысты шығарып салуға арналған театрландырылған көріністер қойылды. Ұлттық ойындар (тоғыз құмалақ, шахмат т.б), байқаулар, спорттық бәсекелер (арқан тарту, гір көтеру, қол күрес т.б) ұйымдастырылып, жеңімпаздарға сыйлықтар табысталды.

Сонымен қатар, ән-думанмен өткен мерекеде әншілер мен бишілер жиналған қауымның ықыласына бөленді.

Дәстүрлі мереке  қыстық тұлыпты өртеумен аяқталды. 

Кейін қарай