Қазақстан халқы Ассамблеясы

15 Наурыз, 2022

62

Талдықорғанда Көрісу күнінде үлкендерге құрмет көрсетілді

Көрісу күніне орай Алматы облыстық Қазақстан халқы Ассамблеясы мен Алматы облысы бойынша «Ассамблея жастары» РҚБ өкілдері ҚХА мүшесі және Қоғамдық келісім кеңесінің төрағасы Оралбек Жақияновтың шаңырағына барды.

61 жыл еңбек жолында Оралбек Нұрсейітұлы туған өлкенің дамуына үлкен үлес қосты. Ол прораб, инженер, басқарушы, облыс өңірлері әкімшілігінің басшысы болып қызмет атқарды. 5 жыл бойы Қоғамдық келісім кеңесін басқарып келеді.

Көрісу күні мерекесі - аға буынға құрмет көрсетудің тамаша үлгісі. Осы күні халқымыз бір-бірін көктемнің басталуымен құттықтайды, ізгі тілектерін айтады.

- Бүгіннен бастап біз Наурыз мейрамын ресми түрде тойлауға кірісіп, оны аға буын өкілдеріне келуден бастадық. Біз үлкендерге құрмет көрсету мен олардың іс-тәжірибесін, қолдауын, жігерлендіруін бойымызға сініріп, құрмет көрсетуіміз керек, - деп Алматы облысы бойынша «Ассамблея жастары» РҚБ өкілдігінің төрайымы Руфина Усанова атап өтті.

Кейін қарай