Еліміздің ең басты мерекесі қарсаңында Алматы облысының «Қоғамдық келісім» КММ-де Қазақстан Республикасы Тәуелсіздігінің 29 жылдығына арналған салтанатты іс-шара өтті.

Салтанатты кешті "Қоғамдық келісім" КММ-нің директорының орынбасары Жандос Байқамитов құттықтау сөзімен ашты. Ол біздің мемлекетіміздің табысты дамуы қоғамдағы тұрақтылық пен конфессияаралық келісімге тікелей байланысты екенін атап өтті.

- Елбасы Нұрсұлтан Назарбаев мемлекеттің гүлденуі оның барлық азаматтарының жасампаз әрі үйлесімді жұмысына байланысты екенін үнемі айтады. Әрбір қазақстандықтың белсенді ұстанымы болашақ мақсаттар мен міндеттерді табысты іске асырудың кепілі болады! Өңірдегі әрбір этнос, әрбір этномәдени орталық өз мәдениетін, тілін, салт-дәстүрін сақтауға мүмкіндігі бола отырып, ел игілігі үшін өткізілетін барлық іс-шараларға белсенді қатысады. "Қоғамдық келісім" КММ-нің жұмысының ауқымы мен маңыздылығы жыл сайын кеңейіп келеді, оның негізгі бағыты халықтың бірлігін, татулығын және келісімін нығайту болып табылады, - деп атап өтті Жандос Бауыржанұлы.

Тәуелсіздік күніне орай қалыптасқан дәстүр бойынша бірқатар жетісулықтардың еңбегі Құрмет грамоталарымен, алғыс хаттармен және естелік сыйлықтармен марапатталды.

Іс-шара жергілікті шығармашылық ұжымдардың қатысуымен жарқын, мерекелік концертпен аяқталды.

Кейін қарай