09 Наурыз, 2022
498
Таразда аналар мерекесіне орай концерттік бағдарламар өтті
Жамбыл облысы «Қоғамдық келісім» КММ ұйымдастыруымен қалалық №4 арнаулы әлеуметтік қызмет көрсету орталығында 8 наурыз – Халықаралық аналар мерекесіне орай мерекелік концерт өтті.
Аталмыш іс-шараның мақсаты – қарттарды құрметтеу, жас ұрпақты аға буынды сыйлауға, құрметтеуге тәрбиелеу, қариялардың игі істерін дәріптеу.
Концерт барысында «Үкілім-ай» би ансамблі – қазақ және тәжік билерін биледі. Ал «Әулиеата» қазақ мәдени орталығының орындауында «Тамаша» әні көпшілікке ұсынылды. Кештің көркіне айналған «Болашақ» триосы Қазақстан әнін барша халыққа ұсынып, көптің көңілін көтерді.
Әсерлі әуеннің әсем ырғағы тыңдарманға көктемдей шуақты көңіл-күй сыйлады. Өз кезегінде қариялар шат-шадыман күйде тарқасты.
Сонымен қатар, «Қоғамдық келісім» КММ-де 8 наурыз - Халықаралық әйелдер күніне арналған мерекелік концерт өтті. Ұйымдастырушылар - Жамбыл облысының Немістер қоғамы болды. Бағдарламада адамзаттың әдемі жаратылысы – әйелдер қауымына арналған түрлі көңіл көтерер ізгі құттықтаулар мен әзіл-оспақтар көп болды.
Концерттік бағдарлама вокалдық және хореографиялық нөмірлерден тұрды. «Инфинити» хореографиялық тобы «Қара жорға», «Масалар» билерін орындады. «Эремурс» хореографиялық тобының орындауындағы «Түнгі Верона патшалары» биі көрермендерді ерекше тамсандырды.
Сондай-ақ, вокалдық нөмірлер де жиналған қауымның жүрегіне жол тауып жатты. Мәселен, «Juwel» тобының орындауында «Анама 8 наурызға», «Federkleid», «Danke», «Мені сүй» әндері, «Singende Herzen» тобы көрермендерді «Уақыты келеді», «Es zogen auf sonnlge wegen», «Wo die Nordseewellen», «Тум балалайка» әндері және Илья Филипповтың орындауында «Ягода-малинка» әні тамаша шырқалып, шараның шырайын кіргізді.
Ұқсас жаңалықтар
-
«Жүректен жүрекке» акциясы аясында ҚХА Республикалық және өңірлік штабтарының онлайн отырысы өтті
-
«Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференция өтті
-
Астанада «Родны Кут» қауымдастығының міндеттері» тақырыбында дөңгелек үстел өтті
-
Бейбітшілік және келісім сарайында Қазақстан халқы Ассамблеясы Кеңесінің кеңейтілген отырысы өтті
-
Алматы қаласындағы республикалық Достық үйінің ұйымдастыруымен Ұлттық құрылтай отырысына қатысушылармен республикалық онлайн семинар өтті
-
Алматыда Ұлыстың ұлы күні - Наурыз мейрамында қайырымдылық іс-шарасы өтті
Ұқсас жаңалықтар
-
«Жүректен жүрекке» акциясы аясында ҚХА Республикалық және өңірлік штабтарының онлайн отырысы өтті
-
«Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференция өтті
-
Астанада «Родны Кут» қауымдастығының міндеттері» тақырыбында дөңгелек үстел өтті
-
Бейбітшілік және келісім сарайында Қазақстан халқы Ассамблеясы Кеңесінің кеңейтілген отырысы өтті
-
Алматы қаласындағы республикалық Достық үйінің ұйымдастыруымен Ұлттық құрылтай отырысына қатысушылармен республикалық онлайн семинар өтті
-
Алматыда Ұлыстың ұлы күні - Наурыз мейрамында қайырымдылық іс-шарасы өтті