«Қазақстан кәрістер қауымдастығы» Қызылорда облыстық қоғамдық бірлестігінің ұйымдастырумен, облыстық ішкі саясат басқармасы «Қоғамдық келісім» КММ қолдауымен кәріс халқының Жаңа жылы – Сольналь мерекесі тойланды.

Салтанатты кешке «Қоғамдық келісім» КММ өкілдері, облыстағы кәрістер этносы, облыстық этномәдени бірлестіктердің басшылары, мүшелері мен ардагерлері, мүмкіндігі шектеулі жандар қатысты.

Мерекеге орай жиылған қауым алдында «Қоғамдық келісім» КММ директорының орынбасары Мартана Дәулетбаева, облыстық Ассамблея жанындағы Аналар кеңесінің төрайымы Рахима Ахметова, «Қазақстан кәрістер қауымдастығы» Қызылорда облыстық ҚБ жетекшісі Елена Ким және өзге этномәдени бірлестіктерінің жетекшілері сөз сөйлеп, кәріс халқын Жаңа жыл мерекесімен құттықтады. Сондай-ақ, кәрістер этномәдени орталығының ардагерлері мен белсенді мүшелеріне сыйлықтар табысталды.

Ай күнтізбесі бойынша тойланатын жаңа жылдық мереке биыл 12 ақпанға тұспа-тұс келді. Жаңа жылда кәріс этносы өскелең ұрпаққа ата-бабаның себэ салтын насихаттап, үлкендерді құрметтеуге шақырады. Сондай-ақ, бұл мерекені олар отбасы мүшелерімен бірге өткізеді.

Бұл шарада «Алекс» хореографиялық ұжымы би билеп, әртүрлі тілдегі әндер орындалды.

Кейін қарай