Қазақстан халқы Ассамблеясы

12360

Ғабит Тұрсынбай: Тәуелсіздік жылдарында дүниеге келген жаңашыл ұрпақ – Ел болашағы

Қазақстан Республикасының Президенті Нұрсұлтан Назарбаев Қазақстан халқына жолдаған Жолдауында келер жылды «Жастар жылы» деп ұсынуының мәні тереңде жатыр. 

«Бүгінгі жастар ертеңгі елдің, жердің иелері. Сондықтан Елбасымыз келер жылды «Жастар жылы» деп жариялауды ұсынуы бекерден бекер емес. Тәуелсіздік жылында дүниеге келген, жаңаша ойлайтын ұрпақ осы елге-жерге иелік етуде ұрпақтар сабақтастығын ұмытпау керек. Біз елімізді, жерімізді осы жастарға сеніп тапсырамыз, жастар – біздің болашағымыз. Сол себепті бұл мәселені тереңнен қозғап, көтеріп отыр.

Бұл бағыт бойынша бірінші кезекте жастардың патриоттық сезімін, елге-жерге деген сүйіспеншілігін арттыру керек деп есептейді. «Себебі жақсы білім алуға болады. Білімді жан-жақты, бірнеше тілді үйренуге болады. Бірақ туған елдің, жердің патриоты болмайынша өзінің еліне, жеріне қызмет ете алмайды. Тек жеке басының мүддесі үшін ғана қызмет ететін адамдар болуы мүмкін. Бізге осы мемлекетімізді, тәуелсіздігімізді баянды ететін, ұлы даланың салт-дәстүрін жалғастырып, келешек ұрпаққа жеткізетін деген жастар қажет. Олармен осы бағытта жұмыс істеу керек деп санаймын.  

Елбасының жолдауы – стратегиялық құжат – еліміздің әлеуметтік-экономикалық дамуының өзекті мәселелеріне және қазақстандықтардың әл-ауқатын одан әрі арттыру міндеттеріне арналған.

Ғабит Тұрсынбай,

Алматы облыстық ҚХА

төрағасының орынбасары,

хатшылық меңгерушісі

 

 

Кейін қарай