1 мамыр - Қазақстан халқының бірлігі күні қарсаңында «Ассамблея жастары» РҚБ Алматы қаласындағы өкілдігі мен «AMANAT» партиясының Алматы қалалық филиалы «Кітап-AMANAT» орталығында «Достық - баға жетпес байлық» кітап көрмесін өткізді.

Бірлігіміз - біздің басты байлығымыз. Кітап көрмесінде Қазақстанда тұратын барлық этностардың тарихы мен қазіргі өмірін, мәдениетін, дәстүрі мен өнерін бейнелейтін, бір шаңырақ астындағы халқымыздың достығы мен жалпыұлттық бейбітшілігін көрсететін материалдар ұсынылды.

Сондай-ақ, шара «Отырар сазы» оркестрінің сүйемелдеуімен өтті.

Кездесу соңында кітап сүйер қауым арасында викторина ұйымдастырылып, жеңімпаздарға сыйлық ретінде кітаптар табысталды.

Возврат к списку