АЛМАТЫДА ӨТКЕН РЕСПУБЛИКАЛЫҚ ФОРУМДА ЖАСТАР ӨЗ ЖОБАЛАРЫН ҰСЫНДЫ

Бүгін, 14 маусымда, Алматы қаласындағы Достық үйінде Жастар жылына арналған іс-шаралар аясында Қазақстан халқы Ассамблеясының «Жаңа толқын 100+» республикалық жастар форумы өтті.

 _DSC5491.JPG

Форумның мақсаты жастарды білім алуға және бос уақыттарын өткізудің тиімді, әрі белсенді формаларын іздеуге тарту мен ынталандыру, Жастар жылы аясында жаңа идеялар мен жобларды қолдау, сондай-ақ, «Қазақстанның 100 жаңа есімі» жобасы жеңімпаздарының жетістіктерімен таныстыру болып табылады.

_DSC5474.JPG

Іс-шараға Қазақстан халқы Ассамблеясы төрағасының орынбасары – ҚР Президентінің Әкімшілігі ҚХА хатшылығының меңгерушісі Ж.Қ. Түймебаев, ҚР Президентінің жанындағы «Қоғамдық келісім» РММ директоры С.Ф. Мажитов, «Қазақстанның 100 жаңа есімі» жобасының жеңімпаздары, ҚХА «Жаңғыру жолы» РЖҚ аймақтық көшбасшылары, жастар бірлестіктерінің жетекшілері, Алматы қ. жастары қатысты.

Жастарға арналаған құттықтау сөзімен Қазақстан халқы Ассамблеясы төрағасының орынбасары – ҚР Президентінің Әкімшілігі ҚХА хатшылығының меңгерушісі Жансейіт Түймебаев сөз сөйледі. 

_DSC5523.JPG

«Жаңғыру жолы» РЖҚ төрағасының орынбасары» Тимур Жумурбаев модератор болып, республиканың аймақтарынан келген жастар баяндамаларын жасады. Атап айтсақ, «Қазақстанның 100 жаңа тұлғасы» жобасының жеңімпазы, ҚР Президенті жанындағы Мемлекеттік басқару академиясы Ақмола облысы бойынша филиалының директоры Белла Газдиева, Солтүстік Қазақстан облысы «Жаңғыру жолы» РЖҚ аймақтық штабының төрағасы Роксана Орынбасарова, «Еріктілер лигасы» қоғамдық қорының төрайымы Айсұлу Ерниязова, «JAGSYLYQJASA» жобасының авторы Эльчин Хамедов баяндама жасап, жобаларын таныстырды.

_DSC5496.JPG

Возврат к списку