Елбасы Нұрсұлтан Назарбаевтың бесінші қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауы Еліміздің болашағына нақты бағдар берген кемел құжат екені айқын.

Еліміздің тұрақты дамуының ұзақ жылдық векторын анықтаған Жолдау мемлекет дамуының жаңа белесін айқындағанында күмән жоқ.

Мемлекет басшысының Жолдауы қазіргі таңда жүргізіліп отырған саясаттың әлеуметтік салаға бағытталғандығының тағы бір дәлелі. Ел өркендеуінің бастауы болып табылатын білім беру жүйесін кемелдендіру бағытындағы, «Педагог мәртебесі туралы» заңды әзірлеп, қабылдау қажеттігі туралы бастама білім сапасын жаңа биікке көтеретіні сөзсіз. Ұстазын сыйлаған Елдің ғана болашағы бар. Ұстаз мәртебесі мемлекеттің ертеңі, оның тәуелсіздігінің баянды болуының кепілі. Бұл мемлекет басшысының көреген саясатының жүйелік негізі болары сөзсіз.

Аталмыш бастама жоғары оқу орындарының сапалы маман даярлау бастамасымен ұштасып жатқандығы білім беру жүйесі кешенді кемелдену дәуіріне аяқ басқандығының көрсеткіші болса керек. Ал келер жылды «Жастар жылы» деп атау мемлекеттік саясаттың сыңдарлы жолының маңызды қадамы болары сөзсіз. Бұл бастама Қазақстандағы өскелең ұрпақтың ыстық ықыласын тудырды деп ойлаймын.

Шәріпбек Әмірбеков,

саяси ғылымдардың докторы, профессор

Т.Қ. Жүргенов атындағы

Қазақ ұлттық өнер

академиясының

Оқу, оқу-әдістемелік жұмыс жөніндегі проректоры

Возврат к списку