Солтүстік Қазақстан облысының Достық үйінде «Облыстағы этномәдени бірлестіктердің тиімді өзара іс-қимылы өңірдегі этносаралық тұрақтылықты сақтаудың шарты ретінде» шақырылған сарапшылардың қатысуымен Қазақстан халқы ассамблеясының этномәдени бірлестіктері мен құрылымдық бөлімшелерінің жұмысын жандандыру жөнінде облыстық семинар өтті.

Іс-шараға облыс, аудан этномәдени бірлестіктерінің өкілдері, ҚХА құрылымдық бөлімшелері (Ақсақалдар кеңесі, Аналар кеңесі, «Ассамблея жастары», Журналистер клубы, ғылыми-сараптамалық топ, «Ұзақ өмір сүру құпиясы», «Қазақстан халқы ассамблеясы» кафедрасының ғылыми-әдістемелік бірлестігі, Қайырымдылық жасаушылар клубы), Бейбітшілік және келісім орталығы, № 17 ҰӨОМК тіл бөлімшелерінің мұғалімдері, Солтүстік Қазақстан облысы прокуратурасының және «Солтүстік Қазақстан облысы әкімдігінің ішкі саясат басқармасы» КММ қызметкерлері қатысты.
«Қазақстанның ұйғыр жастары одағы» РҚБ төрағасы, Қазақстан халқы ассамблеясының мүшесі Рустам Абдусаламович Кайрыев «Қазақстан халқы ассамблеясы медиа кеңістікте: өзара іс-қимыл үрдістері» тақырыбында сөз сөйледі.

Р. Кайрыев облыстық ассамблея белсенділерін барынша шығармашыл болып, ой-өрісін үнемі арттыруға және өзекті құзыреттерді дамытуға шақырды.

Түстен кейін Қазақстан Республикасының Бас прокуратурасы жанындағы Құқық қорғау органдары академиясы Кәсіби оқыту институты қызметтік даярлау кафедрасының профессоры Ұлбосын Камальбекқызы Жанатаева халықпен жұмыс істеу кезіндегі тиімді коммуникациялар, азаматтармен келіссөздер жүргізудің негізгі «лайфхактары» туралы баяндады.

Барлық қатысушыларға сертификаттар табысталды.

Back to the list