Қызылорда қаласының Достық үйінде «Мен Көшбасшымын» «Proдвигай себя» семинар-тренингі өтті. Тренингті Қазақстан халқы Ассамблеясы «Жаңғыру жолы» РЖҚ мүшесі Евгений Демиденко және «QOSYL» қалалық жастар ресурстық орталығының директоры Сабыржан Кеңшілік жүргізді.

Тренингке Қорқыт ата атындағы Қызылорда университетінің студенттері, Назарбаев зияткерлік мектебінің оқушылары, облыстық ҚХА жанындағы «Жаңғыру жолы» жастар қанатының белсенділері мен еріктілері қатысты.

Еркін форматтағы кездесу барысында Қазақстан халқы Ассамблеясы «Жаңғыру жолы» РЖҚ мүшесі Евгений Демиденко жас буынға үлкен серпіліс берді.

- Қазақстан халқы Ассамблеясының XXVII-ші сессиясында маған Қазақстанның Тұңғыш Президенті, Елбасы Нұрсұлтан Әбішұлымен кездесу бақыты бұйырды. Бұл басқосуға қатысу мәртебесіне IT бағыттағы жетістіктерімнің арқасында ие болдым. Мен 16 жасымда цифрлық технология­лар­­дың көмегімен «Boeing 757» ұша­ғының база­сы негізінде техникалық және жобалық ұшақтардың апгрейді бойынша жоба жасадым. Бұл жобаны «Boeing» компаниясы сатып алды. Қазіргі уақытта ол жоба Ұлыбританиядағы ­Крен­­филд аэроғарыш уни­вер­­ситетінде іске асырылып жатыр. Ал«Boeing» компаниясы сатып алған менің жобам әуе кемелерінің құрастыру құнын төмендетіп, жолаушылар санын көбейтуге, лайнердің қауіпсіздігін және энергия тиімділігін арттыруға арналған. Ең бастысы, бұл әуе кемелеріне техникалық қызмет көрсету персоналы қажет емес. Бұл – гибридтік ұшақ. Қазіргі таңда мен «I LEARN» мобильді қосымшасы бойынша жұмыс істеп жатырмын. Бұл YouTube-тің баламасы. Жоба «Google scinse fair» олимпиадасында 25 мың қатысушының іші­нен екінші орынды иеленді. Сондай-ақ, менде биоло­гия­лық процестердің 4D ани­мациясы бар, ол тірі ағзаның кез келген процестерін мо­дель­деуге және көруге мүм­кіндік береді, - деді.

«QOSYL» қалалық жастар ресурстық орталығының директоры Сабыржан Кеңшілік білім беру жүйесіндегі жаңа көзқарастарға тоқталды.

- Білім мен ақпарат дамыған қоғамда білім беру жүйесі инновациялық экономиканың негізгі бөлігі болып табылады. Білім мазмұнының жаңаруымен қатар, оқытудың әдіс-тәсілдері мен әртүрлі құралдарын қолданудың тиімділігін арттыруды талап етеді. Әлемдік білім беру жүйесіне негізделген кәсіби бағдар берудің ерте жастан басталуы, оқушылардың танымдық белсенділігі, рухани-мәдени тәрбие беру ролінің күшейтілуі іспетті бағыттар ұрпақты озық, саналы дара тұлға деңгейінде қалыптастырады, - дей келе жастарды көшбасшы ететін басты қасиеттер туралы айтып өтті.

Возврат к списку