Облыс әкімінің орынбасары Бақтияр Мәкеннің төрағалығымен, Батыс Қазақстан облысының Қазақстан халқы Ассамблеясының өткізуімен болған  жиында қоғам қайраткер­лері, тарихшылар ұлттық тарихымыз жайлы баяндама жасады.

Облыс әкімінің орынбасары Бақтияр Мәкеннің төрағалығымен, Батыс Қазақстан облысының Қазақстан халқы Ассамблеясының өткізуімен болған  жиында қоғам қайраткер­лері, тарихшылар ұлттық тарихымыз жайлы баяндама жасады.

Қазақ мемлекетінің қалыптасу тарихын облыстық тарих және археология орталығының директоры, тарих ғылымдарының док­торы, профессор Мұрат Сыдықов,    Жәнібек хан тарихындағы ақтаң­дақтар тақырыбын М. Өтемісов атындағы БҚМУ-дың Қазақстан тарихы кафедрасының доценті, тарих ғылымдарының кандидаты Жа­ңабек Жақсығалиев әңгімеледі. Қазақ хандығының негізін қалаушылар Ке­рей мен Жәнібек жайлы Жәңгір хан атындағы БҚАТУ-дың Қазақ­стан тарихы және әлеуметтік гу­манитарлық пәндер кафедра­сы­ның аға оқытушысы, тарих  ғылым­дарының кандидаты Есқайрат Қайдаров, Қазақ хандығының та­рихындағы Бөкей ордасының ор­ны туралы Бөкей ордасы тарихи мұражай кешенінің директоры Ғайса Махимов баяндама жасады. Ал Қазақ хандығының 550 жыл­дық мерейтойын өткізу жөнінде  қандай шаралар жоспарлануда екені туралы облыстық мәдениет, мұрағат және құжаттама басқармасы басшысы­ның орынбасары  Вячеслав Иночкин айтып өтті.

Облыстық тарихи-өлкетану музейі мен Сырым, Қаратөбе, Жаңақала, Қазталов аудандық музейлері тақырыптық көрмелер, кездесулер, экскурсиялар өткі­зу­де. Ж. Молдағалиев атындағы об­лыстық ғылыми-көпшілік кітапхана көрмелер, конференциялар өткізіп, әдістемелік нұсқаулықтар шығармақ. Облыстық қазақ драма театры маусым ашылуында жаңа тарихи қойылымның премьерасын жасамақ. Облыстық филармония мәдени шаралар өткізуде. Негізгі шара Хан ордасында өте­ді. Онда өтетін халықаралық конфе­ренцияға шет елдердің және елі­міздің тарихшылары қатыспақ. Сондай-ақ республикалық ақын­дар айтысы, спорттық ойындар, тарихи театрландырылған көрі­ніс, мерекелік концерт өткізу жоспарлануда, — деді Вячеслав Иночкин.

- Қазақ хандығының 550 жыл­ды­ғын атап өту тек қана мереке­лік шаралармен,  ғылыми конферен­циялармен шектелмеуі тиіс. Пат­риоттық сезімді нығайтып, отан­дастарымыздың санасында Қазақ жеріне, мемлекетіне мақтаныш сезімін сіңіре беруіміз қажет, — деді облыс әкімінің орынбасары Бақтияр Мәкен.

- Ұлт бо­лудың бірінші белгісі – тіл. Сон­дықтан тілдік мәселе, тілдік деректер назардан тыс қалмай, тарихшылар мен тілші-ғалымдар бірлесе әрекет етуі тиіс. Бұл мерейтойды атап өту арқылы ұлттық сана-сезімімізді жаңа дең­гейге көтерейік, – деп ұсынысын ортаға салды халықаралық «Қазақ тілі» қоғамы облыстық бөлімшесі­нің төрағасы Болат Жексенғалиев.

Соңында дөңгелек үстел оты­рысының қабылданған қарары оқылды. Махаббат Каримова, Ляна Тұрсынова мен Михаил Беляев «Қазақстан халқы Ассам­блея­сына 20 жыл» мерекелік медалі­мен марапатталып, Қазталов ау­дандық «Ауыл айнасы» газетінің тілшісі Гүлфия Көшбаеваға ҚР Президенті Нұрсұлтан Назарбаевтың атынан Қазақстан халқы Ассам­блеясының алғыс хаты табысталды.

БҚО «Қоғамдық келісім» КММ  

Кейін қарай