Ағымдағы жылдың 17 қарашасында Қазақстан Республикасының «Қазақстан халқы Ассамблеясы туралы» Заңына өзгертулер мен толықтырулар енгізу туралы» Заң жобасы облыстық этномәдени бірлестіктердің басшылары мен белсенділерінің, ғылыми-сарапшылық топтың мүшелерінің, сарапшылардың қатысуымен «дөңгелек үстел» мәжілісі  өтті.

Қазақстан халқы Ассамблеясы туралы Заң Қазақстан Республикасындағы мемлекет ұлттық саясатты іске асыруға, қоғамдық-саяси тұрақтылықты қамтамасыз етуге, мемлекеттік және қоғамның азаматтық институттарының этносаралық қатынастар саласындағы өзара іс-қимылының тиімділігін арттыруға бағытталғандығы жөнінде І.Жансүгіров атындағы Жетісу мемлекеттік университетінің құқық және экономика факультетінің заң ғылымдарының магистрі, аға оқытушысы Айгерім Мәжібекқызы Байжұманова баяндамасында жасады. Облыстық әзербайжан этномәдени бірлестігінің төрағасы Асылы Әлиқызы Осман, облыстық «Элефтерия» гректер қоғамының төрағасы Георгий Константинович Иорданиди өз ұсыныстарымен бөлісті.

Елбасының «Болашаққа бағдар: рухани жаңғыру» бағдарламалық мақаласында көрсетілген «Қазақ тілін латын әліпбиіне көшіру» бойынша Тілдерді дамыту жөніндегі басқармасының аномастика жұмысы және талдау бөлімінің басшысы Ақшабаев   Ермек  Сүндетбайұлы, облыстық болгар мәдени орталығының төрағасы  Ярополова  Дарья Алексеевна  өз пікірімен бөлісті.

Заң колледжінің заң пәндері кафедрасының меңгерушісі Талдықорған қалалық Аналар кеңесінің мүшесі Бердіқожаева Ляззат Алдабергенқызы «Ұлттық код: Рухани құндылықтарымыз» жайлы айтса, Облыстық орыс орталығы төрағасының орынбасары Котельникова Лариса Леонидовнаның «Рухани жаңғыру» бағдарламасын жүзеге асыру, оның ішінде еріктілер қоғамының жұмысы туралы тоқталып өтті.

Дата события ассамблеи: 20.11.2017

Кейін қарай