2016 жылдың 26 қазанында Қазақстан Республикасы Президентінің жанындағы «Қоғамдық келісім» РММ директоры Н.П.Калашникованың «Әлем. XXI ғасыр» халықаралық арнайы жастар сессиясының қатысушыларымен кездесуі өтті. Аталған сессия Шанхай ынтымақтастық ұйымының Жастар кеңесіндегі Қазақстан Республикасы төрағалығының аясында ұйымдастырылды.

Іс-шараға Ресей Федерациясы, Қытай Халық Республикасы, Қырғызстан Республикасы, Германия Федеративтік Республикасы, Түркия Республикасы, Беларусь Республикасы, Әзірбайжан Республикасы, Тәжікстан Республикасы және Монғолия елдерінің жас көшбасшылары қатысты.

Кездесу барысында директор Н.П.Калашникова Қазақстандағы қоғамдық келісім мен жалпыхалықтық бірлікті нығайтудағы ынтымақтастық жөнінде сөз сөйледі. ШЫҰ елдерінің жас көшбасшыларына Қазақстан халқы Ассамблеясының тарихы мен қызметін, Ассамблея аясында жүзеге асып жатқан негізгі және жастарға бағытталған жобалармен толыққанды таныстырды.

Кездесу соныңда қатысушылармен қызу талқылау болып, ҚХА қызметіне байланысты сұрақтарға нақты жауап берілді. Әсіресе қатысушыларды «Мың бала» республикалық мәдени-ағартушылық жобасы мен «Бірлік-Единство.kz» халықаралық жастар лагерінің ұйымдастырылуы, мемлекеттік тілді жеделдете оқытудың әдістері аса қызықтырды.

Кейін қарай