2015 жылғы 7 желтоқсанда Тараз қаласындағы «Баласағұн» орталық концерт залында Қазақстан халқы Ассамблеясы жылын қорытындылауға арналған Жамбыл облысы Қазақстан халқы ассамблеясының «Үлкен ел - үлкен отбасы» форумы өтті.

2015 жылғы 7 желтоқсанда Тараз қаласындағы «Баласағұн» орталық концерт залында Қазақстан халқы Ассамблеясы жылын қорытындылауға арналған Жамбыл облысы Қазақстан халқы ассамблеясының «Үлкен ел - үлкен отбасы» форумы өтті.

Форумның басты мақсаты - «Мәңгілік Ел» жалпыұлттық патриоттық идеясын іске асырудағы халықтың азаматтық белсенділігін жоғарылату.

Іс-шараға Қазақстан Республикасының Мемлекеттік хатшысы Гүлшара Әбдіқалықова, Қазақстан халқы Ассамблеясы төрағасының орынбасары–хатшылық меңгерушісі Ералы Тоғжанов, Жамбыл облысының әкімі, өңірлік Қазақстан халқы ассамблеясының төрағасы К.Н.Көкрекбаев, ҚХА және өңірлік ассамблеяның мүшелері, этномәдени бірлестіктердің өкілдері, мекеме, ұйым басшылары, бұқаралық ақпарат құралдарының өкілдері, облыс тұрғындары қатысты.

Форумға қатысушыларды Қазақстан Республикасының Мемлекеттік хатшысы Гүлшара Әбдіқалықоваға құттықтады.

Жамбыл облысының әкімі, аймақтық ҚХА төрағасы К.Н.Көкрекбаев ассамблея жылының қорытындысы жайлы баяндама жасады.Ол өз сөзінде ҚХА жылына, «ҚХА-20 ізгі іс» эстафетасына, «Бейбітшілік және келісім жол картасы» мега жобасына, «ҚХА-2015 жастары» этномәдени бірлестік жастарының облыстық форумына этнос өкілдерінің бір кісідей ат салысқанын атап өтті. Белсенді қатысушы қайырымды және жебеуші азаматтарға алғыс хаттар мен «ҚХА жылының белсенді қатысушысы» мүсіншелерін тапсырды.

Форумда сонымен қатар Қазақстан халқы Ассамблеясы төрағасының орынбасары-хатшылық меңгерушісі Е.Л.Тоғжанов өз сөзінде өткізіліп отырған іс-шараның үлкен мән-мағынасы бар екенін айтты.

Сондай-ақ, іс-шара барысында Республикалық жобалардың жеңімпаздарына алғыс хаттар және естелік сувенирлер тапсырылды.

960 адамның басын қосқан Форум Жамбыл облыстық филармониясының әншілерінің орындауындағы «Қазақстан» патриоттық әнімен аяқталды.

Кейін қарай