2016 жылғы 30 қарашада ҚР Ұлттық академиялық кітапханасында Қазақстан халқы Ассамблеясының Қазақстан Республикасы Тәуелсіздігінің 25 жылдығына арналған «Ұлы Дала Тарихы» атты республикалық тарихи-мәдени жастар жобасының қорытындысы шығарылды.

Іс-шараға Қазақстан халқы Ассамблеясының Ғылыми-сараптамалық кеңестің мүшелері, ҚР Инвестициялар және даму министрлігінің, ғылым және шығармашылық қауым, туристік компаниялардың, ел өңірлеріндегі жастар ұйымдарының өкілдері қатысты. 

Жиынды ҚР Президенті әкімшілігі Қазақстан халқы Ассамблеясы хатшылығы меңгерушісінің орынбасары Л.А.Прокопенко жүргізіп отырды. 

Іс-шара барысында ҚР Индустрия және даму министрлігі Индустрия және туризм департаментінің директоры М.Н. Игалиев Қазақстанның жаңа туристік бағыттарының жалпыұлттық картасының таныстырылымын өткізді.  ҚР Президенті жанындағы «Қоғамдық келісім» РММ қызмет жетекшісі   Н.У. Шаяхметов  ҚХА тарихи-мәдени экспедицияларының қорытындылары туралы баяндама жасады.

Сондай-ақ «Ассамблея сыйы» акциясы: «Хандар шежіресі» басылымын ҚХА атынан кітапхана қорына тапсыру рәсімі, өңірлерден келген өкілдердің «Ұлы Дала тарихы» патриоттық тарихи-мәдени экспедициясы» атты республикалық жастар жобасының қорытындысы бойынша таныстырылымы өтті.

Қазақстанның жаңа туристік бағыттарының картасы ішкі туризмді дамыту, өңірлік мәдени-туристік кластерлер мен этноауылдар желісін қалыптастыру мақсатында құрастырылған.

___________________________