Қарағанды қаласында «100 нақты қадам» ұлт жоспарын орындау мақсатында құқық қорғау қызметтері орталығы ашылды. Ол Можайский көшесі 13 мекен-жайы бойынша орналасқан.

Аталған орталық - Қазақстан Республикасы Бас прокуратурасының бастамасы бойынша облыс әкімдігінің қолдауымен және облыстық прокуратурамен бірлесіп іске асырылған пилоттық жоба болып табылады.

Жобаның мақсаты - азаматтарға ашық, жариялы түрде көмек көрсетіп, оларды әуре-сарсаңға салмай құқығын жедел түрде қорғау арқылы халықтың мемлекеттік және құқықтық мекемелерге деген сенімін арттыру.

Сонымен қатар, орталықта құқық қорғау және атқарушы органдардың мемлекеттік мекемелердің іс-әрекетіне шағымдану мәселесіне байланысты қызмет көрсетіледі. Аталған орталықтан қарағандылықтар ІІД, пробация қызметінің, сот актілерін орындау департаменті қызметкерлерінің, адвокаттардың, медиаторлардың, прокурорлардың кеңестерін алуға болады. Барлық кеңестер тегін жүргізіледі. Азаматтарға ыңғайлы болу үшін орталықта электрондық кезек жүйесі орнатылған.

Жаңа қызметтің ашылу салтанатына мәжіліс депутаттары, облыс прокуроры М.И.Сексембаев қатысты.

Дата события ассамблеи: 09.01.2018

Кейін қарай