Петропавл қаласындағы Достық үйінің конференц залында "Манас- Петропавл" қырғыз этномәдени орталығының төрағасы Майрамбек Болтуруков ҚР Ұлттық гвардиясының Әскери институтында білім алып жатқан Қырғыз Республикасы курсанттарын туған жерлерінің Конституциясы күнімен құттықтады.

1993 жылғы 5 мамырда Қырғызстан Республикасының Жоғарғы кеңесі XII сессияда Қырғыз Республикасының Конституциясын қабылдады. Сол сәттен бастап Қырғызстан Республикасы Қырғыз Республикасы деп атала бастады, ал 1978 жылы қабылданған Қырғыз КСРО Конституциясының күші жойылды.  

Қабылданған сәттен Конституцияға бірнеше рет өзгерістер мен толықтырулар енгізілді. 2010 жылғы маусымда жаңа Конституцияны қабылдау жөніндегі референдум өтті және ол бүгінгі таңда Республика аумағында қолданылады.

Басқа әлем мемлекеттері секілді Қырғыз елі үшін де Конституция басты заң болып табылады: ол азаматтардың негізгі құқықтары мен бостандықтарының тізбесін бекітеді, мемлекеттің құқықтық мәртебесін айқындайды және ол  елдегі ең жоғары заңды күшке ие.   

Қазақстан Республикасы Ұлттық гвардиясының Әскери институты жоғары кәсіптік білім, қосымша білім беруді іске асыратын мемлекеттік мекеме болып табылады және Қазақстан Республикасы білім беру жүйесінің жоғары оқу орны мәртебесіне ие. Аталған мекемеде басқа елдердің ұлдары да ант қабылдай алады.  

7-мамыр қарсаңында Отан қорғаушылар ҚР Ұлттық гвардиясының қызметі жөнінде әңгімелесті, өз пікірлерімен бөлісті. Аталған іс-шара Қазақстан – халықтар достығы, бейбітшілік пен келісім елі екендігін дәлелдейтіні сөзсіз. Қырғыз этномәдени орталығының төрағасымен кездесу курсанттар үшін қызықты да пайдалы болды.   

 «Солтүстік Қазақстан облысы әкімінің аппараты» ММ

«Қоғамдық келісім» КММ баспасөз хатшысы

Кейін қарай