Ақтөбе облысы ҚХА жанындағы Аналар кеңесінің «Аналар кеңесі – ұлағат мектебі» тақырыбында «Қоғамдық келісім» КММ ғимаратының конференц залында Аналар кеңесінің кеңейтілген отырысы өтті.

Отырысты Ақтөбе облысы ҚХА жанындағы Аналар кеңесінің төрайымы Ж.Ш.Қалиева төрағалық етіп, 2021 жылда атқарған жұмыстарының есебін берді. Ақтөбе облысы ҚХА хатшылығының меңгерушісі М.Н.Қорғанбаева алдағы 2022 жылда атқаратын жұмыстардың мақсат міндеттеріне тоқталды.

Іс-шара барысында «Ұрпақ тәрбиесі-ұлт болашағы», «Шаңырақ шаттығы» жобасы, жас аналар клубы жұмыстарының баяндамалары тыңдалып, отбасын нығайтуға, отбасы құндылықтарын дәріптеуге, аз қамтылған, көпбалалы отбасыларға қайырымдылық көмек көрсетуге және ұлттық құндылықтар мен ұрпақ тәрбиесіне байланысты толымды ойлар айтылды.

– Мемлекет басшысы Қ.К.Тоқаевтың Қазақстан халқы Ассамблеясы Кеңесінің кеңейтілген отырысында сөйлеген сөзінде «Республикалық аналар кеңесінің құрылуы – осы бағыттағы маңызды қадам. Бұл кеңес еліміздегі бірлік пен татулыққа негіз болып отырған құндылықтарды жастардың санасына сіңіруге атсалысады» делінген – деді, өз сөзінде хатшылық меңгерушісі М.Н.Қорғанбаева.

Шара соңында өз тәжірибелерімен алмасып, тұжырымды ойларымен бөліскен Аналар кеңесі мүшелерінің келелі жұмысына сәттілік тілеп, бірлесе қызмет жасауға шақырды.

Кейін қарай