2016 жылғы тамыз айының 5 күні барша елдегі сияқты Ақтөбе облысында да республикалық «Медиация күні» өтті.

Акцияны  ұйымдастырушылар Ақтөбе облысының Қазақстан халқы Ассамблеясының хатшылығы, «Ақтөбе облысы әкімі аппараты» ММ-нің «Қоғамдық келісім» КММ және Ақтөбе облысының соты.

Іс-шараның мақсаты қоғамдық біргейлік пен бірлікті және төзімділікті нығайту жолындағы мемлекетіміздің саясатын насихаттау.  Қоғамның рухани өміріндегі ұлтаралық келісім мәдениетін қалыптастырудағы медиацияның рөлін халыққа түсіндіру.

Іс-шараға медиация орталықтарының өкілдері, ЭМБ жетекшілері, отставкадағы судьялар және БАҚ өкілдері қатысты.

«Медиация күні» республикалық акциясының ашылу салтанатында «Ақтөбе облысы әкімі аппараты» ММ-нің «Қоғамдық келісім» КММ-нің басшысы Г.К.Шерниязова, Ақтөбе облысы сотының судьясы Б.Ш Алматова, отставкадағы судья С.В. Мұратқанов сөз сөйледі.

Республикалық акция аясында және ашық есік күніне орай азаматтарға «Батыс Қазақстан медиация орталығы және келіссөздер процесінің» директоры және кәсіби медиаторлар тегін кеңес өткізді.

Іс-шараның соңында қатысушыларға медиация кабинетінің мекен жайы мен сенім телефоны көрсетілген парақшалар таратылып, сауалнамалар жүргізілді. 

Кейін қарай