Ақтөбе облысы ҚХА жанындағы аналар кеңесі мен «Қоғамдық келісім» мемлекеттік мекемесінің ұйымдастыруымен С.Жиенбаев атындағы жасөспірімдер кітапханасында дөңгелек үстел өтті.

Аталмыш шараның мақсаты – «Халықтану» жобасын жүзеге асыру, халық арасындағы достықты нығайту, ұрпақ бойына рухани адамгершілік қасиеттерді ұялату. Дөңгелек үстелге Ақтөбе облысы ҚХА жанындағы аналар кеңесінің мүшелері, кітапхана қызметкерлері, «Қоғамдық келісім» КММ-нің сарапшы-мамандары, БАҚ өкілдері қатысты.

Іс-шара барысында аналар кеңесінің жетекшісі Серғалина Рауза «Халықтану» жобасының мақсат-міндеттері туралы айтып, алдағы уақытта атқарылатын жұмыс жоспарларымен бөлісті.

Кеңес төрайымы Жұмабике Қалиева «Халықтану» жобасы аясында қазақ халқының ұмытылып бара жатқан дәстүрлерін қайта жаңғыртуға байланысты пікірімен бөлісті.

Іс-шарада С.Жиенбаев атындағы жасөспірімдер кітапханасы «Тәуелсіз елдің тағылымы» атты кітап көрмесін ұйымдастырып, шараға қатысушыларды халықтар достығына арналған кітаптармен таныстырды.

Кейін қарай