Қазақстан халқы Ассамблеясының 25 жылдығына арналған аудандар арасындағы мерекелік эстафета Ақтөбе облысы Хромтау ауданында бастау алды.

«Татулық темірқазығы – Қазақстан халқы Ассамблеясына 25 жыл» тақырыбымен өткен салтанатты шараға облыстық ҚХА хатшылығының меңгерушісі Маржан Қорғанбаева, «Қоғамдық келісім» КММ директоры Нұрхан Ағниязов, Хромтау ауданының әкімі Нағымжан Алдияров, Аналар Кеңесінің мүшелері, «Қоғамдық келісім» КММ мамандары мен Хромтау қаласының тұрғындары қатысты.

Облыстық Ассамблея өкілдерін музыкалық ансамбльдің өнерпаздары «Тойбастар», «Балбырауын» күйімен күмбірлете қарсы алды. Халық Хромтау ауданын мекен еткен түрлі этнос өкілдерінің ұлттық асханаларымен танысты.

Ақтөбе облысы ҚХА хатшылығының хатшылық меңгерушісі Маржан Қорғанбаева мерекелік эстафета символын аудан басшысы Н.Алдияровқа тарту етті.

Ел ішіндегі бірлік пен татулықты ұран еткен оқушылар мен аудандық шығармашылық ұжымдары Қазақстанды мекен ететін ұлттардың мәдениеті мен салт-дәстүрінен сыр шертетін концерттік бағдарламаларын ұсынды.

Сондай-ақ, Маржан Қорғанбаева бастаған топ аудан әкімдігі жанынан құрылған Қоғамдық келісім кеңесі және Аналар Кеңесінің мүшелерімен кездесті.

Кейін қарай