Ақтөбе қаласына жұмыс сапарымен келген Өзбекстан Республикасының ҚР Төтенше және Өкілетті Елшісі Саидикрам Ниязходжаев Достық үйіне келіп, облыстағы «Сагдиана» өзбек ЭМБ өкілдерімен кездесу өткізді.

Облыстағы этномәдени бірлестік өкілдерінің алтын ұясына айналған Қазақстан халқы Ассамблеясы үйіне келген елшіні өңірлік Ақтөбе облысының ішкі саясат басқарма басшысы Айбек Купенов пен ҚХА хатшылығының меңгерушісі Маржан Қорғанбаева мен «Қоғамдық келісім» КММ директоры Нұрхан Ағниязов күтіп алды. Хатшылық меңгерушісі елшіні ҚХА үйімен таныстырып, ақтөбелік этнос өкілдерінің облыстың қоғамдық-саяси дамуына қосып жатқан үлестерін айтып өтті.

Айта кету керек, ҚХА жанындағы «Сагдиана» ЭМБ пандемия кезінде көптеген қайырымдылық шаралар мен акцияларға белсене қатысты. ЭМБ құрамындағы кәсіпкерлер әрдайым игі іске белсене атсалысады. Соның бірі Өзбекстанның тумасы, қазіргі таңда Ақтөбе қаласында тұрып жатқан кәсіпкер Венера Ережепова келген қонақтарды өз фирмаларының жұмыс барысымен таныстырып, екі ел арасындағы сауда-экономикалық ынтымақтастықтың артуына ниетті екенін жеткізді.

Кездесу соңында елші алғысын білдіріп, ҚХА үйіне арнайы Өзбек тілінің орфографиялық сөздігінің 5 томдық кітабын сыйға тартты.

Кейін қарай