Жуырда «Қоғамдық келісім» КММ ұжымы және этномәдени орталық өкілдері «Достық үйінде» Қытай халық республикасы Шыңжаң-ұйғыр автономиялық ауданы Қарамай қаласының делегациясымен кездесті. Достық үйіне бас сұққан қонақтар алдымен дәстүр бойынша, ақтан дәм татып, ас атасы - наннан ауыз тиеді. Өлкеге ат басын бұрған меймандардың мақсаты да айқындалды.

Бүгінде Ақтауда Қарамай қаласының мәдени күндері өтіп жатыр. Меймандар қазақ халқының қонақжайлылығына риза болды. Содан соң, олар «Достық үйіндегі» мұражайда болып, өзге ұлттардың мәдениетімен танысты. Әр этнос өздерінің салты мен ғұрпын таныстырып, қонақтарға ілтипатын білдірді.

Кездесуде тараптар екіжақты бауырластық қарым-қатынастарды тереңдете түсу мен өзара ықпалдастықты арттырып, әріптестік байланыстарды нығайту бағытында бірқатар мәселелерді талқылады. Сондай-ақ, қытайлық делегаттар өз өңірлерінің экономикалық, траспорттық-логитикалық әлеуеті жайлы және де алыс-жақын шет ел қалаларымен бауырластық қарым-қатынастары жөнінде де қысқаша айтып өтті. 

МОӘА «Қоғамдық келісім»КММ баспасөз қызметі

Кейін қарай