Маңғыстау облысының Достық үйінде қарақалпақ халқының классик ақыны Бердах Қарғабайұлының бұрышын ашуға арналған іс-шара өтті.

Іс-шараға «Аллаяржолы – Ақтау» қарақалпақ этномәдени бірлестігінің төрағасы Ниетбай Оразбаев, Қазақстандағы Өзбекстан елшілігі жанындағы Ақтау қаласындағы консулдықтың бас консулы Нодиржон Тургунов, ҚР Өзбекстан Республикасы Елшілігінің бірінші хатшысы Ойдин Маннопова, Маңғыстау облыстық ішкі саясат басқармасының басшысы Ержан Күмісқалиев, "Жайхун" қарақалпақ этномәдени бірлестігінің төрайымы Тазабике Салиева қатысты.

Ниетбай Оразбаев іс-шараның мәні мен мақсаты туралы айтып, ақынның өмірбаянын қысқаша баяндап өтті. Сол сияқты Бердах Қарғабайұлының шығармалары оқылды. Нұр-Сұлтан қаласында,ы «Жайхун» қарақалпақ ЭМБ төрайымы Тазабике Салиева «Аллаяржолы – Ақтау» қарақалпақ этномәдени бірлестігіне естелік сыйлық табыс етті.

Шара соңында қонақтар Өзбекстанның Қазақстандағы елшілігі сыйға тартқан ақынның әдеби шығармаларымен, сондай-ақ Бердах Қарғабайұлының жерленген жерінің экспонаттарымен танысты.

Кейін қарай