Ақтау қаласының Достық үйінде көрнекті қазақстандық аудармашы, публицист, әдебиеттанушы Герольд Бельгерді еске алу күніне арналған іс-шара өтті.

Оны «Wiedergeburt» неміс этномәдени бірлестігі ұйымдастырды. Іс-шара қонақтарына «Хабар» телеарнасындағы «Өмір жолы» телебағдарламасынан Герольд Бельгердің өмірбаяны туралы,т«Қазақстан немістері» жобасы шеңберінде «Wiedergeburt» ЭМБ түсірген Бельгерге орнатылған ескерткіш туралы бейнероликтер көрсетілді.

«Герольд Бельгер шығармаларын қазақ, орыс және неміс тілдерінде жазды. Өзге ұлт өкілі болса да, қазақтың әдебиетін, мәдениетін, тарихын жетік білді. Қазақ әдебиетінің шын жанашыры болды. Абай мұраларын зерттеді, Ғабит Мүсірепов, Әбдіжәміл Нұрпейісов, Әбіш Кекілбаев, Дүкенбай Досжан және тағы басқа қазақ жазушыларының шығармаларын орыс тіліне аударды. Дәл осындай ұлы тұлғаға арнап кездесу өткізіп отырған ұйымдастырушыларға алғыс білдіремін», - деді іс-шара қонағы.

Кейін қарай