15 ақпан – Дүниежүзілік онкологиялық науқас балалар күні. Осыған орай, Ақтау қаласының ҚХА еріктілері мен «Қоғамдық келісім» КММ қызметкерлері қайырымдылық іс-шарасына қатысты.

Іс-шараны «Ақтау мейрімділер клубы» еріктілер қозғалысы ұйымдастырды. Мейірімді адамдардың арқасында сыйлықтар жиналып, облыстық балалар ауруханасының емделушілері мен медициналық қызметкерлеріне дастархан жайылды. Еріктілердің қатысуымен анимациялық бағдарлама қойылды.

- Осы іс-шараны ұйымдастырушыларға үлкен алғысымды білдіргім келеді. Аниматорлар және сыйлықтар біздің балаларды қатты қуантты. Бала үшін аурухананың төрт қабырғасында болу және әртүрлі емдеу процедураларынан өту өте үлкен стресс. Осындай керемет мереке үшін тағы да алғыс айтқымыз келеді! Аурухананың медицина қызметкерлеріне қажырлы еңбегі мен шыдамдылығы үшін рахмет. Әлемдегі барлық балалар сау болсын, - деді ата-аналардың бірі.

Көңілді шараның соңы естелік суретке түсумен аяқталды.

Кейін қарай