Балалардың мұражайға саяхаты жалғасуда. Қызығушылық танытқан «Алау» лагерінің балалары «Достық үйіне» келді. Бүгін басқа топтың жеткіншектері келіп, өңірдегі этностардың мәдениетімен танысты. Мұражайға бас сұққан оқушылар алдымен еліміздің әнұранын орындады.

Ақтаудағы 21 этностың салты мен ғұрпын «Қазақстан кәрістері қауымдастығының» Ақтау қалалық филиалының төрайымы мен «Қоғамдық келісім» КММ маманы таныстырды. Балалар әр ұлтқа қатысты дүниелер туралы мәлімет сұрап, көкейіндегі сауалдарға жауап іздеді. Ұйымдастырушылар оларға сұрақ-жауап сайысын өткізіп, жеңімпаздарды сыйлықпен марапаттады.

 Содан соң балалар «Халық келісімі» ҚБ тұңғыш төрағасы Ж. Сейдалиевке арналған бұрышты тамашалап, Жаздырхан ағамыздың өмір дерегімен танысты. Іс-шара соңында оқушыларға сыйлықтар үлестіріліп, естелікке суретке түсті. Іс-шара барысында «Қазақстан кәрістері қауымдастығының» Ақтау қалалық филиалының төрайымы Раиса Маденова сөз сөйлеп, балаларға сәттілік тіледі. 

МОӘА «Қоғамдық келісім» КММ баспасөз қызметі

Кейін қарай