Елбасының «Болашаққа бағдар: рухани жаңғыру» мақаласының аясында 6 қазан күні Достық Үйінде №8 «Ақжелкен» балабақшасының бүлдіршіндері қонақта болды.

Жаңғыру жолымен жүруге берілген нақты бағдарламада айтылғандай, жастардың білімге деген құштарлығын оятып, патриоттық сана-сезімін бала кезден қалыптастыру қажет.

Іс-шара барысында кішкентай бүлдіршіндер тәрбиешілерімен бірге Достық үйінің мұражайына саяхат жасап, этномәдени бірлесіктердің көрмеге қойған құнды жәдігерлерімен танысты.

Сонымен қатар, «Қоғамдық келісім» КММ-ның қызметкерлері бүлдіршіндерге қазақ халқының салт-дәстүріне байланысты сұрақтар қойып, білімді ұрпақ тәрбиелеп отырған балабақша тәрбиешілері А.Г. Абдуллаева  мен С.Л. Юрьевнаға алғыстарын білдірді.

Іс-шара соңында кішкентай балақайлар Қазақстан Республикасының Мемлекеттік Гимінін орындап, тақпақтарын айтты. Ал «Қоғамдық келісім» КММ-ның қызметкерлері талантты бөбектерді құр жібермей, арнайы сыйлықтарын табыстады.

Дата события ассамблеи: 09.10.2017

Кейін қарай