Маңғыстау жұртшылығы қазақтың ұлы ақыны, ойшылы,   композиторы, ағартушысы, қазақ жазба әдебиетінің негізін салушы және классигі Абай Құнанбаевтың туған күнін атап өтті. Бұл іс-шараны Маңғыстау облысы Қазақстан халқы Ассамблеясының «Жас қанат» жастар ұйымының өкілдері ұйымдастырды.

Жастар Ақтау қаласының Абай атындағы мәдени-демалыс кешені алаңында жиналып, тұрғындар арасында викторина жүргізді. Маңғыстаулық азаматтарға Абай атамыз өмірбаянына қатысты сұрақтар қойылды. Дұрыс жауап берген азаматтарға арнайы дайындалған: ҚР Тәуелсіздігіне 25 жыл және Қазақстан халқы Ассамблеясының логотиптері бейнеленген бас киімдер, футболкалар, блокноттар және т.б. сыйлықтар табысталды

Бұл іс-шара жастар Ұлы бабамыздың өлеңдерінің, әндерінің, қара сөздерінің болашақ ұрпақтың жүрегінде ұмытылмас ізін қалдыру мақсатында ұйымдастырылған.

МОӘА «Қоғамдық келісім» КММ баспасөз қызметі

Кейін қарай