Абай облысында «Асқарым бар ең биік әке деген» атты өңірлік әкелер форумы өтті. Оған зиялы қауым өкілдері, әкелер қауымдастық мүшелері, «Даналық мектебі» клубының өкілдері, сондай-ақ облыстың қала мен барлық аудандарынан 120-дан астам белсенді әкелер қатысты.

Форумның мақсаттары мен міндеттері қоғамда ата-ана мәдениетін алыптастыруға, мектеп пен әкелердің жұмысын жүйелеуге, отбасылық құндылықтарын насихаттауға, әкенің беделі мен белсенділігін арттыруға бағытталған. Форумда балалардың құқықтары, олардың денсаулығы мен қауіпсіздігі, балаларды тәрбиелеудегі әкелердің рөлі сияқты өзекті мәселелер талқыланды.

Қазақстан халқы Ассамблеясының мүшесі, Абай облысы ҚХА медиация кеңесінің төрағасы, «Қазақ тілі» халықаралық қоғамы филиалының вице-президенті, Семей қаласының Құрметті азаматы Орал Шарипбаев баяндама жасады. Ол жас ұрпақты тәрбиелеудегі этникалық дәстүрлердің рөліне назар аударды. Осы ретте әлемнің көптеген елінде арнаулы әкелер күні бар екенін ескерген жөн. Біздің еліміздегі әкелер үшін де сондай атаулы күн қажет деп санаймын. Бұл отбасылық құндылықтарды дамыту мен қарым-қатынасты жақсартуға ықпал етеді. «Ешкім іштен батыр, дана болып тумайды: ол да мінез секілді өскен орта, көрген тәрбиеге байланысты қалыптасады», - деп Қазақтың батыр жазушысы Бауыржан Момышұлының өсиет сөздерін келтірді.

Форум шеңберінде төрт жұмыс алаңдары қамтылды. Ең көп қонақтар ұлттық ойындар алаңында қатысты. Форум қонақтары «Спортқұмар әке - салауатты ұрпақ» ұлттық ойын, «Әке көрген оқ жонар...» әкелер шеберханасы, «Әке – отбасының тірегі» интеллектуалдық пікірталас, «Бір әкенің тәрбиесін жүз мектеп бере алмайды» алаңдарына белсене қатысты.

Форумның маңызын ескере отырып енді жыл сайын өткізілуге жоспарланды.

Кейін қарай